354/2025-2026

Dated Kolasib the 28th April 2025: Vawiin khan Kolasib District Level Road Safety Committee chu an Chairman, Pu Robert C Lalhmangaiha, Kolasib DC hovin an thukhawm a. He thutkhawmna ahhian Kolasib District huamchhunga lirthei avanga chetsualna thleng thin te pumpelh theih dan turte leh lirthei khalhtuten dan zawma, an lirthei te him taka an khalh theihna tura hmalakna turte an thlir ho a ni.

He hunah hian Kolasib DC chuan Kolasib District kawng that tak avanga lirthei speed pawh a san chhoh tak  thu sawiin,  motor khalhtute fimkhur tawk loh avangin  lirthei chetsualna a thleng thin chu a pawi hle a ni, a ti a. Kawng tha an neih chu lirthei khalhtuten an hman thiam loh chuan chhiatpuina leh midan tana him lohna an thlen thei a, chuvang chuan lirthei accident a tlem zawk nan kawng hrang hranga inzirtirna leh hmalakna te neih a tul takzet a ni, a ti.

Pu David H Lalthangliana, Kolasib SP pawhin report pe in kawng hrang hranga Police Department lamin Road Safety kawnga hma an lo lak tawh dan te a sawi a. SP chuan inzirtirna hmun hrang hrangah kalpui thin niin, license, helmet , documents te leh rui chunga motor khalh an aw em tih te pawh uluk taka check reng a ni, a ti a. Amaherawhchu duh anga hmanrua an neih that tawk loh avang leh an hmanraw thenkhat, Breath Analyzer leh hmanrua dangte  pawh a hlui tawh em avangin khauh taka kalpui tum pawhin duhthusam in hmalak a har phah thin a ni, a ti.

He thutkhawmna ahhian Pu R Lalduhthlanga, Member Secretary, DLRSC leh PWD Sr EE nibawk chuan vawiin a an thutkhawm chhan leh an thurel turte sawifiahna hun a hmanga. Heng thupui hrang hrang; inzirtirna, awareness, traffic management, dan kenkawhna, dan bawhchhia te hremna te leh infrastructure thenkhat crash barrier te, signs te, camera te leh thil tul dang pawimawhte an sawiho a ni. 

Vawiin thutkhawmna ahhian District Level Road Safety Committee Members: Kolasib DC, SP, PWD Sr EE, DTO leh CMO te an kalkhawm a ni.