2174/2024-2025

Dated Kolasib the 23rd September 2024: Vawiin khan Kolasib DC Conference hall ah District Level Task Force on Ruihhlo do thutkhawmna neih a ni a, Pi B Malsawmtluangi,  Addl DC  Kolasib chuan he hun hi a kaihruai.

Pi B Malsawmtluangi chuan District Level Task Force on Ruihhlo do chu Mizoram a ruihhlo hluar zel do na kawng pakhat a nih thu sawi niin, hetianga ruihhlo hluar zel hi sorkar in a vei em em a, chuvangin supply reduction leh harm reduction ang zawng pawhin office hrang hrang atangin hma lain he committee hmang hian demand reduction lam hawiin hma lak ani tih a sawi a. Amaherawhchu a tul dan anga an huang te pawh tih zauh theih zel a ni, a ti.

Vawiin thutkhawmnaah hian Ruihhlo Do committee member te chuan an hmalak tawh dan te report pein, Master Trainer pali ten  an training pek dan an tarlang bawk. Kalkhawmte hian Kum naupang lam, ruihhlo la ti lo te focus deuh ni se tih leh zirtirna pek na hmun tur pawh ruihhlo hluarna area ah insawrbing deuh a pawimawh thu an sawi bawk.

He hmalakna atan hian Social welfare and Tribal Affairs atangin kum 2023-24 atan sum cheng nuai 7 dawn a ni a,  tun dinhmunah Kolasib District ah hmalakna atan cheng nuai 2 hman ni tawh in urhsun taka hmalakna kalpui chhunzawm zel tum a ni.