Vawiin khan DRO Conference Hall, Kolasib ah kolasib ah district level training on 7th economic census neih a ni.

He huna Bawrhsap aiawh a tel Pu Samuel Zodinsanga, SDC chuan economic Census lak tur chungchanga training buatsaih ani chu thil pawimawh tak ani tiin eng hna pawh nise intahhriam leh theihna tihpun (capacity building) hi thil pawimawh tak ani a data lakkhawm chungchangah pawh fimkhhur takin kalpui ni se theihtawp chhuah a, District titha ber nih tum turin trainee kalkhawm te a chah a ni.

Economics and Statistics Director Pu Lalrikhuma Sailo chuan kum 5 dana neih thin Economic Census chu Population Census ti loh ah chuan Census lakkhawm na pawimawh ber ani a, ei leh bar zawnna kawnga inhnamhnawih te chipchiar taka zirchian na tur niin India ram economy dinhmun hriat chianna tur anih avangin a pawimawh hle ani a ti. Indian economy a sector hrang hrang ten GDP ah eng ang chiahin nge an thawhhlawk tih hriat nana thil pawimawh tak niin Data lakkhawm chu fimkhur leh uluk taka kalpui a ngai dawn a, Enumerator te leh Supervisor te chuan thawhhona tha an neih a ngai dawn a, primary Data lakkhawm a dik loh chuan report a dik dawn loa, report diklo thehluh  anih chuan Indian Economy dinhmun tarlan chu a rintlak dawn lo ani tiin District tin ten report chu uluk leh felfai taka an thehluh a ngai ani a ti. Economic Census hmasa lam kha lehkhapuan hmanga lakkhawm ani a tun tum ah erawh chuan enumerator leh Supervisor te hian mobile App hmangin an lakhawm tawh dawn a, he app hman dan leh Census kalphung tura an training chu hmang tangkai turin kalkhawm te chu duhsakna a hlan a ni.

Training hi Pu Lalnunzama, District Manager, CSC e-Governance Service India ltd in a kaihruai a, technical session hman niin Fundamental Concepts, Schedule & Definition in 7th economic census chungchangah Pu David Malsawmdawngkima Field Officer, National Sample Survey Organisation chuan sawi zauna hun a hmang a, Mobile Application 1st and 2nd Level Supervision Module along with dashboard facilities for monitoring tih thupui hmangin Pu Carey lalrinawma Sailo, District Manager, CSC e-Governance Service India ltd chuan training a pe ani.