Vawiin khan Kolasib DC, District Election Officer ni bawk Pu Jitender Yadav, IAS hovin a office chamber-ah MP Election chungchang-ah meeting pawimawh tak neih a ni a. Hetah hian mawhphurhna leh hna tul hrang hrang atana Nodal Officer theuhte an tel a ni.

Pu Jitender Yadav chuan, MP inthlanna tluang leh felfai taka kan neih theih nan Nodal Officer theuhte chu an chanlam subject te uluk taka zir chiang turin a chah a. Election Commission of India-in thuchhuah a siam leh kaihhruaina a siam te zir chiang turin a hrilh a ni. Pu Yadav chuan March 15, Notification tih chhuah a nih atangin election puahchah kawnga Team hrang hrangte chuan an duty an tan nghal a ngai dawn tih a sawi a, a tul chuan Sectoral Magistrate pawh kan inruat belh ang a ti a ni.

Nodal Officer te hna chanpual theuh a mal malin he meeting-ah hian thlir ho a ni a. Election Commission of India in zawm tura a tih Model Code of Conduct chu fir taka kalpuiin Team hrang hrang Video Surveillance Team, Video Viewing Team, Accounting Team, Media Certification & Monitoring Committee, Flying Squad, Static Surveillance Team ten an hna theuh uluk takin an thawk dawn a ni.