Vawiin zing dar 11:00 ah tanin Lengpui Group Fire Prevention Awareness Campaign 2014, Sairang YMA Hall-ah neih a ni. He campaign hi Tv. Lalrammawia, President Branch, YMA Sairang in a kaihruai a ni.

He campaign hmanpui tur hian Pu Lalthangmawia Vandir, Dy. Director, Information & Public Relations leh Pu K. Biakthianghlima, President, SENVA te ruat an nih angin a hmun ah kalin thusawina te an nei a ni. An thusawi ah chuan Mizoram Fire Prevention Committee thil tum te, thuawih lote hrem dan te, kangmei chhuahna chhan hrang hrang, kangmei thelh dan bakah kangmei laka inven dan te zirtirna an nei a ni. Power Point Presentation hmangin Pu Rongura Hrahsel, Range Officer, Sairang in kangmei ina ram leh in leh lo a tih chhiatzia te, in vendan leh a lo chhuah theihna te zirtirna a nei bawk.

He campaign ah hian Lengpui leh Sairang bakah a thenawm khua hrang hrang atangin V.C., NGOs leh mipui an kal tha hle a ni. Sawihona te neiin kham lo takin tlai lam dar 3:00 ah tihtawp a ni.