Vawiin khan Lunglei District Disaster Management Authority hnuaia Joint Verification Team-te chuan Pu Rammawia, SDO, PWD (Road) hovin Industry Department Quarter, Lunglawn chu a hmunah an enfiah a ni.

Staff Quarter S/No.II hi Industry Department-in kum 1984 vela sak nia hriat a ni a, a building hi Assam-type building a ni a. Floor level thleng RCC ban a ni a, kalkhang leh chhuat pawh a nei tawh lova, a bang thlang lam pawh a awm tawh lo a ni. Joint Verification Team-in a hmuhdanah chuan thiat a nih lo chuan a vela chengte tan thlipui thlen thulhah hlauhawm tak a ni. General Manager, District Industry, Lunglei chuan thiah (dismantle) a nih thieh nan Directorate of Industry, Aizawl-ah pawh an lo thlen tawh thin a, amaherawhchu vawiin thlengin chhannna an la hmuh loh thu an sawi.