MP inthlan kan hmachhawn mek tluang leh felfai taka neih a nih theih nan Kolasib District chhungah inpuahchahna ngawrh taka neih chhoh mek reng a ni a. Vawiin khan Political party te, MPF leh NGO te training pek an ni.

Vawiina training, AMFU Hall-a neih hi Pu R. Lalnghakliana, Election Officer, Kolasib chuan a kaihruai a. Pi K. Vanlalruati, SDO (S) leh Pu MS.Dawngkima, Addl. SP ten inthlan kenkawh chungchanga hriattur hrang hrangte an zirtir a ni. Inthlan puan a nih atanga result puan thlenga lekkawh tur Model Code of Conduct chu chipchiar taka sawiin hei hi dik leh felfai taka inthlan a nih theih nana ECI in zawm ngei tura a duan a nih thu leh a zawm lo chu dan tlawhchhana an chunga hremna lekkawh a nih theih dan te tarlan a ni.

Lok Sabha MP Candidate tinten inthlan campaign laia an sum senral theih zat hi ECI chuan 70 lakh ah a bithliah sak a, heng an sum hman theih zat an hman dan hi uluk taka check tu Accounting team ten an vil reng bakah MCC bawhchhiatna a awm leh awm loh check tu Team hrang hrangte chuan an hna an thawk reng bawk a. Chanchinbu leh Electronic Media lama Dan pela thu chhuaha party hamthatna tur zawnna thilte pawh MCMC ten an vil reng bawk a ni.

Dan bawhchhiatna chi hrang hrang awm theite leh hremna chungchangte pawh training ah hian zirtir a ni bawk a ni.

Attachment

  • Loading attachment...