North Eastern Electric Power Corporation (NEEPCO) Ltd., Shillong chuan Corporate Corporate Social Responsibility Work hnuaiah Mizoram mi paruk te hnenah chawimawina pawisafaia cheng nuai khat theuh a pe. He inhlanna inkhawm hi Hotel Regency Conference Hall-ah nimin (25 March, 2014) khan Pu Ngurbiaka, Art & Culture Director kaihhruaiin buatsaih a ni.

Pawisa inhlanna hunah hian NEEPCO hotu thenkhat lo kalin, vantlang tana an hnathawh leh sum an pek thin dan te an sawi a. Tun tuma Art & Culture, Education leh Sports lama mi hmingthangte an chawimawi thei chu lawmawm an tih thu an sawi bawk a ni.

NEEPCO atanga Financial Assistance dawngte chu: 1. Laltlanthanga, Music & Art, Art & Culture Department ; 2. Lalrindiki, Performing Art, Art & Culture Department ; 3. T.C. Zonunsangi, Literature & Writer, Education Department, Lunglei ;  4. Romuanpuii Zadeng, Literature & Writer, Education Department, Khawzawl ;  5. Lalenkawli, Boxing, Sports & Youth Services Department ; 6. TBC Lalchhanhima, Weight Lifting, Sports & Youth Services Department.