Vawiin khan Kolasib DC Conference Hall ah Elector Verification Programme chu Kolasib Addl DC Pu Liansangzuala Chhakchhuak in a hawng a, hemi rual hian chanchinbu mi te tan briefing neih nghal bawk a ni.

EVP hi election Commission of India in Electoral Roll dik leh felfai zawk a neih tumna hmalakna kal zela hmalakna pakhat niin he thil ina a tum ber chu Electoral Roll a mahni hming emaw, thlalak emaw chhungte hming emaw, kum zat emaw Vote neihna leh thil dang (particulars) te a dik leh dikloh finfiah a, diklo awmte chu tidik tura zau taka hmalak a ni. Hemi a tan hian Mobile Application ‘Voter Helpline’ bakah ECI website ‘nvsp.in’ chu mipuite tana hman tangkai theih tura chhawpchhuah ani a, hengte hi mahni in smart phone ah a khawih theih a, khawih thiamlo te tanpui turin khaw hrang hrangah Common Service Centre bakah BLO te an awm a, ERO Office hrang hrangah (kolasib DC Office, SDO Civil Office kawnpui leh vairengte) Voter Facilitation Centre a awm bawk ani. 

He hun hawngtu Pu Liansangzuala chuan EVP chu thil thar ni mahse DEO,EO,ERO te thuneihna ala ngai veka, BLO te pawh mawhphurhna ngai an la chelh ani tiin he thil tum ber chu Electoral Roll a mahni nihna dikloa thunluh leh inthun thar duh te tana awlsam zawka kawng sial (citizen friendly approach) ani ati a, enge maw tihdikna siam turin hmun hla tak tak atanga Election Office pan buai kher nagilo in mahni khua emaw mahni khua atanga hmun remchang hnai berah heng tihdik dilna te hi a thehluh theih dawn ani a ti. Hei hi mipuiten a zau thei ang bera an hriat angai ani tiin Media mi te chuan mawhphurna sang tak an nei a, ECI ina mipuite tana kawng awlsam zawk a siam sak chu mipuite kan hrilhhriat angai ani tiin media mite chu thawhpuiah a sawm bawk a ni.

Hemi bakah hian YMA tlangauna kaltlangin EVP chungchang hi zau thei ang bera puanzar tura hmalak a nih tur thu tarlan ani a, he hunah hian Kolasib Town Area a BLO te, Media mi te leh Sub-Hqrs YMA President te an kalkhawm a, Election Officer Pu Vanlalchhuanawma Chawngthu chuan lawmthu sawiin hun a  khar a ni.