Vawiin chawhma dar 11:00Am khan Election Commission of India thupek bawhzuiin, District Bawrhsap charge la mektu Pu K.Vanlalthiana leh Pu H.Zonunmawia, Election Officer,Siaha District te chuan Electors Verification Programme(EVP) chungchangah Press Conference koh vin, EVP hi eng nge? tih leh EVP kalpui dan tur te chipchiar taka sawifiahin, Siaha MJA te chu Siaha district mipui te hnenah a zau thei ang bera EVP chungchang hi thehdarh sak turin an ngen an ni.

EVP( Voter te finfiahna beihpui) thiltum ber chu  E/Roll felfai leh thianghlim zawk kan neih thei nan, tahrik ni 1/1/2020 qualifying date a hmanga  Summary Revision of E/Rolls neih hmaa, mitin mahni EPIC a details; eg: hming, pianni,Gender, type of relation, address,thlalak etc..a thilfelhlel awm reng reng kumin(2019) 1st September,2019 atang  15th October,2019 chhunga  siamthat vek tura mipui te hrilhhriatna leh zirtirna beihpui a ni.

Heng ahnuai tarlan te hmang hian kan EPIC details te a verify theihin a siam that theih a ni.

1) National Voters Service portal hmangin a hnuaia step ang hian:-

STEP 1: www.nvsp.in ah lut la, I EPIC number chhu lut la

STEP 2: I Hming,pianni,gender,address,thlalak etc. te check la

STEP 3: Dik lo a awm chuan a dik chu lut ang che

STEP 4:ID proof pakhat upload bawk la

ID Proof Nana pawm te chu:

a) Indian Passport

b)Driving License

c)Aadhaar Card

e)Bank Passbook

f)Ration Card

g)ID Card of Gov't/Semi Gov't official

STEP 5:I mobile number leh Email ID chhu lut bawk ang che. 

2) Voter Helpline Apps hmangin,

3) Common Services Centre hmangin

4) Voters Facilitation Centre hmangin( DC office leh SDO(C) Tipa Office-ah pakhat ve ve hawn a ni) 

5) Person with Disability (PwD) te tan  phone number-1950(Toll Free)ah  biak theih reng a ni.

6) BLO ten House to House visit an neih laiin a tih theih reng bawk a ni.

District Election office, Siaha chuan EVP chungchanga mipui te hrilhriat leh zirtirna kawngah Siaha MJA te thawhpuina leh tawiawmna vawiin Press Conference hmang hian a ngen a ni.