Vawiin khan Kolasib-ah Special Summary Revision of Electoral Roll, 2011 chu Disrict Election Officers  leh DC Pu R. Liankima hovin a office chamber-ah an thu khawm a. Kum 2011 Electoral Roll puahchahna te an thlirho.
 
DC Pu R. Liankima chuan Roll buatsaihna kawngah kawng hrang hranga hma lak reng a nih thu a sawi a. He hunah hian Roll ennawn nana hun bithliah hrang hrangte tlangzarh a ni. Ruahman ang chuan Draft Publication of Rolls chu 30 October, 2010 ah tih a ni ang a. Sawi duh neite tan  30 October, 2010 atanga 23 November 2010 chhung hun hawn a ni ang. 6 November, 2010 leh 9 November, 2010 ah endikna hun siam lehin chumi hnuah political party hrang hrangte leh Booth Level Agents te tana sawihona hun 7 November, 13 November, 2010  leh 21 November 2010 ah neih a ni ang.

Electoral Roll a hming thun luh thar list te 23 December, 2010 atanga 3 January, 2011 ah tihchhuah a ni ang a, Final Publication chu 5 January, 2011 ah peihfel tura ruahman a ni.