Vawiin khan Mizoram Legislative Assembly thutkhawm chu chhunzawm leh a ni a. Dar 10:30am - 1:00pm thutkhawm chhungin zawhna paruk chhan hman a ni a, paper pahnih (2) pharh niin Official Resolution pakhat (1) pawm a ni bawk.
'Administrative Training Institute (ATI) hian kum khat (1) chhungin Training vawi engzat nge a buatsaih thin?' tia Pu K. Liantlinga MLA zawhna chhangin DP&AR Minister Pu H. Liansailova chuan kum 2008 - 09 chhungin vawi 78, kum 2009 - 10 chhungin vawi 82 leh kum 2010 -11 chhungin vawi 52 training buatsaih a nih tawh thu a sawi a. Member te zawhbelhna chhangin Pu H. Liansailova chuan ATI Training Course pangngai bakah mamawh dan a zirin course dang pawh training theih a nih bakah Faculty ni lo mithiam te pawh training pe tura sawm theih a nih thu a sawi.
Petrol, Diesel leh LPG chungchanga Pu Lalthansanga, MLA zawhna chhangin FCS&CA Minister Pu H. Rohluna chuan Jan-Aug 2010 chhungin phalna nei lova petrol leh diesel zuartu mi 4 Sorkarin a man tawh a ni a ti a. Legal Metrology department hnuaiah dan lo anga LPG zuartu mi 1 leh a ti chingpentu mi 19 man tawh niin dan anga hrem an ni a ti a, Supply department pawhin mi 11 case an siamsak tawh a ni a ti bawk. Minister hian Kolasib Supply Inspector hnuaiah Enforcement Squad din a nih thu leh kawng laka Petrol leh Diesel pawlhdal te, LPG khawih chingpen te venga hma lak reng a ni a ti a; mipuite thlawpna a tha hle tih a sawi bawk.
Pu P.P. Thawla MLA zawhna chhangin Parliamentary Affairs Minister Pu Lalsawta chuan Deputy Government Chief Whip hi dan in a huam tel loh vangin Discretionary Fund siamsak a ni ve lo tih a sawi a. Zawh belhna chhangin Sorkarin tul a tih chuan Discretionary Fund siamsak ve turin a ngaihtuah ang a ti bawk.
Pu Lalduhoma MLA zawhna chhangin Chief Minister Pu Lal Thanhawla, Finance Minister ni bawk chuan kum 2009 atanga tun inkarah State Share kan pek theih loh vanga Central atanga lo kal tur kan dawn tak loh a awm lo nia hriat a ni a ti a. Pu Lal Thanhawla chuan Sorkar department tinah zawh vek a ni a, "Nil Report" an rawn theh lut deuh vek a ni tiin a sawifiah.
Serlui 'B' Hydel Project chungchanga Pu K. Lalrinthanga MLA zawhna chhangin Chief Minister Pu Lal Thanhawla, Power & Electricity Minister ni bawk chuan Serlui 'B' Hydel Project estimate chu Rs. Vaibelchhe 191.13 a ni a ti a. Estimate hian a daih lo nasa a, zawh theihna tura ngai zat chu chhut mek a ni a ti bawk. CM chuan Serlui 'B' Hydel Project chu October, 2010 chhunga hawn hman tum a ni a ti a. Expenditure atanga chhutin unit 1 zelah Rs. 4.33 in mipui hnenah hralh theih a ni ang a ti a, tuna Mizoram Sorkarin rate a hman mek Rs. 2.56 per unit anga hralh a nih dawn chuan Sorkarin a hloh char char dawn a ni a ti bawk. Serlui 'B' Hydel Project hi department dang - Tourism, Fisheries leh Agriculture tan te hman tangkai tura kalpui mek a ni a ti bawk a ni.
Zawhna leh Chhanna hun hman a nih zawh hnuah hian Laying of Papers hun hman niin Chief Minister Pu Lal Thanhawla paper "Joint Electricity Regulatory Commission for Manipur and Mizoram Annual Report 2009 - 2010" leh Pu Lalrinliana Sailo, Social Welfare Minister paper "The Mizoram Child Labour (Prohibition and Regulation) Rules, 2010" te chu House ah pharh a ni.
Hemi zawhah hian Pu Lalsawta, Parliamentary Affairs Minister in a putluh Official Resolution - "The House expresses its gratitude and appreciation to the Central Government for approving the scheme and awarding the funds required under the 'Comprehensive and Integrated Socio-Economic Development Project under the New Land Use Policy (NLUP) of Government of Mizoram' to be implemented in Mizoram State for alleviation of poverty from the financial year of 2010-2011" tih chu a putluh angin lungrual taka pawm a ni bawk.
Petrol, Diesel leh LPG chungchanga Pu Lalthansanga, MLA zawhna chhangin FCS&CA Minister Pu H. Rohluna chuan Jan-Aug 2010 chhungin phalna nei lova petrol leh diesel zuartu mi 4 Sorkarin a man tawh a ni a ti a. Legal Metrology department hnuaiah dan lo anga LPG zuartu mi 1 leh a ti chingpentu mi 19 man tawh niin dan anga hrem an ni a ti a, Supply department pawhin mi 11 case an siamsak tawh a ni a ti bawk. Minister hian Kolasib Supply Inspector hnuaiah Enforcement Squad din a nih thu leh kawng laka Petrol leh Diesel pawlhdal te, LPG khawih chingpen te venga hma lak reng a ni a ti a; mipuite thlawpna a tha hle tih a sawi bawk.
Pu P.P. Thawla MLA zawhna chhangin Parliamentary Affairs Minister Pu Lalsawta chuan Deputy Government Chief Whip hi dan in a huam tel loh vangin Discretionary Fund siamsak a ni ve lo tih a sawi a. Zawh belhna chhangin Sorkarin tul a tih chuan Discretionary Fund siamsak ve turin a ngaihtuah ang a ti bawk.
Pu Lalduhoma MLA zawhna chhangin Chief Minister Pu Lal Thanhawla, Finance Minister ni bawk chuan kum 2009 atanga tun inkarah State Share kan pek theih loh vanga Central atanga lo kal tur kan dawn tak loh a awm lo nia hriat a ni a ti a. Pu Lal Thanhawla chuan Sorkar department tinah zawh vek a ni a, "Nil Report" an rawn theh lut deuh vek a ni tiin a sawifiah.
Serlui 'B' Hydel Project chungchanga Pu K. Lalrinthanga MLA zawhna chhangin Chief Minister Pu Lal Thanhawla, Power & Electricity Minister ni bawk chuan Serlui 'B' Hydel Project estimate chu Rs. Vaibelchhe 191.13 a ni a ti a. Estimate hian a daih lo nasa a, zawh theihna tura ngai zat chu chhut mek a ni a ti bawk. CM chuan Serlui 'B' Hydel Project chu October, 2010 chhunga hawn hman tum a ni a ti a. Expenditure atanga chhutin unit 1 zelah Rs. 4.33 in mipui hnenah hralh theih a ni ang a ti a, tuna Mizoram Sorkarin rate a hman mek Rs. 2.56 per unit anga hralh a nih dawn chuan Sorkarin a hloh char char dawn a ni a ti bawk. Serlui 'B' Hydel Project hi department dang - Tourism, Fisheries leh Agriculture tan te hman tangkai tura kalpui mek a ni a ti bawk a ni.
Zawhna leh Chhanna hun hman a nih zawh hnuah hian Laying of Papers hun hman niin Chief Minister Pu Lal Thanhawla paper "Joint Electricity Regulatory Commission for Manipur and Mizoram Annual Report 2009 - 2010" leh Pu Lalrinliana Sailo, Social Welfare Minister paper "The Mizoram Child Labour (Prohibition and Regulation) Rules, 2010" te chu House ah pharh a ni.
Hemi zawhah hian Pu Lalsawta, Parliamentary Affairs Minister in a putluh Official Resolution - "The House expresses its gratitude and appreciation to the Central Government for approving the scheme and awarding the funds required under the 'Comprehensive and Integrated Socio-Economic Development Project under the New Land Use Policy (NLUP) of Government of Mizoram' to be implemented in Mizoram State for alleviation of poverty from the financial year of 2010-2011" tih chu a putluh angin lungrual taka pawm a ni bawk.
