Vawiin chawhma dar 11 khan Laila Hall, College Veng, saiha-ah Swarna Jayanti Shahari Rojgar Yojana (SJSRY) training  neih a ni.

He training hi Pu V. Lalengmawia, District Project Officer, SJSRY leh SDO (S) Saiha District ni bawk chuan a kaihruai a, kalkhawmte lawmna thu a sawi hnuah kalkhawmte inhmelhriat tirna a nei bawk a ni. Training-na a khuallian Pu Kunal, IAS Saiha District Bawrhsap chuan thu sawiin kalkhawmte chu BPL a awm reng lo tur leh APL chhungkuaa awm ve thei ngei tura tanla turin a chah a, Self Help Group zawng zawngte pawh hmasawnna rahbi thar rah tuma tanla tur leh taimakna, tumruhna leh chhelna nena thahnemngai taka hna thawk turin a chah bawk a ni.

Training ah hian Saiha khawpui chhunga BPL chhungkua atangin mi thahnem tak an tel a, kalkhawmte hnen atangin thusawi ngaih thlak a ni. Pu V. Lalengmawia, District Project Officer, SJSRY chu 'SJSRY Activities' tih thupui thlan chhuah hmanga paper a present bakah Pi C. Lalngaihawmi, C.O. SJSRY chuan 'Women Self Help Group' tih thupui thlanchhuah hmangin paper a present bawk a ni. He training-ah hian sawihona hun tha tak hman ho a ni bawk.