Vawiin khan Synod Conference Hall, Diakkawn Kolasib ah P&E Department leh JERC (M&M) tangkawp huaihawtin mipuiten kawlphetha leh a kaihhnawih zau zawka an hriat nan inzirtirna leh inhrilhhriatna hun hman a ni.

He hun hmanpui tu Kolasib Bawrhsap Dr.Arun T, IAS chuan Awareness Program pawimawh tak ruahman a nih chu lawmawm a tih thu sawiin, Kolasib District enkawl tu a nihna angin P&E leh JERC (M&M) hotute hnenah hian ngenna a siam nghal a , Electric Su nasa thin  (fluctuations in voltage) chuan khawl hrang hrang nasa taka a tihchhiat thin thu a tarlang a ; Electric Bill pek chungchangah mipuiten nasa takin hun an khawh ral thin a, ni sen sa hnuaiah hun rei tak tak an in tlar thin a hei hi mipuite tan phurrit a tling a ni tiin Bill pekna counter tihpun dan awm theise, tin State dang tam takin kum 20 kalta a an tih tan tawh internet hmanga Bill pek (Online payment of Bill) dan kawng zawng turin; khawpui chhunga Electric hrui hnawk nuaia inzam te chu khawpui a ti tawpin a ti mawiloa, mipui te tan pawh him loin chhiatna a thlen thei a ni a ti a, heng hrui hnawk te hi a thenfai dan kawng zawng turin leh Sawrkar Laipui scheme Saubhagya hnuaia in tin a Kawlphetha pek vek chu Kolasib District ah pawh tihlawtling nei turin a ngen a, Heng a ngenna te hi hriatthiam puia Mipuite tana kawng awlsam zawk leh him zawk a nih theihnan he huna lokal P&E leh JERC (M&M)  hotute chu hmalak pui turin a sawm a ni.

He hunah hian Er. Lalchharliana Pachuau Chief (Engineering) JERC (M&M) chuan kalkhawm mipuite hnenah JERC thil tum te tarlangin, Electricity Supply code leh Mipui (Consumer) ten harsatna an tawh thula a thlenna tur chungchangah te zirtirna a pe a. Pu Lalchharliana chuan JERC thil tum ber chu Mipui (Consumer) ten Electric tha taka an hmuh theihnan, an hman dan mil leh phu tawka bill an chawi theihnan, a hun taka bill an hmuh theihnan leh Consumer ten harsatna leh buaina an tawh changa chinfel pui te  anih thu a tarlang a. Lungawi lohna thlenna tur te chu Level I- SDO Concern, level II-EE Concern, Level III- SE concern bakah Chariman Consumer Greviance Redressal Forum leh Ombudsman te an awm thu a tarlang a hemi bakah hian complaint hrang hrang leh a tihfel hun bitukte a tarlang bawk ani. Hemi bakah hian  mithiam hrang hrang ten thupui hrang hrang hmangin zirtirna an pe bawk a.

He hunah hian Kolasib VC hruaitute, Khawtlang hruaitu YMA, MHIP leh MUP aiawh te an kalkhawm a ni.