2644/2023-2024
2023 Sahmulphah thla ni 4: Vawiin khan Mizoram Legislative Assembly Inthlanpui, 2023-a Kolasib District chhunga assembly bial pathum - 4-Tuirial, 5-Kolasib leh 6-Serlui biala inthlan chuhtu candidate-te inthlan kaihhnawih sum senso chhinchhiahna, election expenditure account chu Kolasib DC Conference Hall-ah Kolasib District tana Expenditure Observer Pu Karni Dan hovin endik thawh thumna (3rd inspection) buatsaih a ni.
He hunah hian Expenditure Observer bakah, bial tina Assistant Expenditure Observer-te an tel a. Kolasib District chhunga assembly bial pathuma inthlan chuhtu candidate mi sawmpathum (13) expenditure agent ṭheuhte'n account an vawn chu endik niin, Election Expenditure Monitoring Team-in candidate-te senso an chhinchhiah nen en mil a ni a. Siam rem ngaite siam rem nghal a ni bawk.
Kumin Inthlanpui atan hian Election Commission of India chuan candidate tinin campaign sensovah cheng nuai sawmhnih pariat (₹ 28,00,000/-) thleng an hman a phalsak a. Candidate-te sum hman dan a dik em tih leh an sum hman te dik takin an chhinchhiah fel em tih endik nan expenditure inspection hi ruahman a ni a. Endikna hi inthlan hmain ṭum thum buatsaih tur tih a nih angin, vawiin kha Kolasib District-ah chuan ṭum thum buatsaihna a ni.
Attachment
- Loading attachment...
