2645/2023-2024

Vawiin khan SVEEP Team leh MJA Mamit te tangdun chuan Election Commission of India-in, India mipui khua leh tui diktakte tana vote kan thlak vek theihna tura programme a duan Systematic Voters' Education & Electoral Participation (SVEEP) kaltlanga eichawp zawng leh kut hnathawktute hnena vote thlak pawimawhna leh vote thlak tura ngenna- KALCHILH Programme chu Bazar Veng, Charkawn leh Dinthar Vengah te hman a ni.

SVEEP Nodal Officer Dr. Saithantluangi Zote Vote thlak chu kan tihmakmawh, kan mawhphurhna, khua leh tui kan nihna anga danin min phut tlat a nih thu sawiin, Vote nei zawng zawngte kumin 2023 MLA General Election-ah ngaihtuahna fim tak hmanga vote thlak vek turin a sawm a.

He hunah hian Mamit MJA Ex-President Pu H. Lalramliana leh Vice President Pu Lalhuma te pawhin thu sawiin ram rorelna ah mipuite mawhphurhna chu vote thlak a nih thu leh khua leh tui tha nihna kawng khat chu vote thlak a nih thu sawiin, Mizoram ah vote turn out percentage sang zawk kan neih theihna turin mipuite sawmin an ngen a ni.

He hunah hian Mamit MJA member leh SVEEP Team member-te kim takin an kal a ni.