2496/2023-2024

2023 Khuangchawi thla ni 26: Vawiin khan Mizoram Legislative Assembly Inthlanpui, 2023-a Kolasib District chhunga assembly bial pathuma inthlan chuhtu candidate-te inthlan kaihhnawih sum senso chhinchhiahna, election expenditure account chu Kolasib DC Conference Hall-ah Kolasib District tana Expenditure Observer Pu Karni Dan hovin endik thawh khatna (1st inspection) buatsaih a ni.

He hunah hian Expenditure Observer hi Kolasib District Election Officer Pu John LT Sanga chuan ṭawiawmin, bial tina Assistant Expenditure Observer-te an tel bawk a. Kolasib District chhunga assembly bial pathuma inthlan chuhtu candidate mi sawmpathum (13) expenditure agent ṭheuhte'n account an vawn chu endik niin, Election Expenditure Monitoring Team-in candidate-te senso an chhinchhiah nen en mil a ni a. Account vawn chungchanga hriat tur pawimawh hrang hrangte inhrilhfiah niin, zawhna leh chhanna leh sawi hona hun hman a ni bawk.

Expenditure inspection hi candidate-te sum hman dan a dik em tih leh an sum hman te dik takin an chhinchhiah fel em tih endik nana ruahman a ni a. Endikna hi inthlan hmain ṭum thum buatsaih tur niin, October ni 30 leh November ni 4-ah te khian buatsaih leh a ni ang.