2495/2023-2024

Vawiin khan I&PR Conference Hall, Mamit-ah Mizoram Taxi Association (MTA) Mamit Sub Hqrs. te nen Systematic Voters' Education & Electoral Participation (SVEEP) hnuaia Vote thlak pawimawhzia leh midangte hrilhhriatna kawngah mawhphurhna chungchang zirho a ni a. Dr. Saithantluangi Zote, Nodal Officer SVEEP/ DIPRO chuan kalkhawmte zirtirna a nei.

Dr. Saithantluangi Zote chuan Election Commission of India-in a ngaihpawimawh leh mipui a tam thei ang ber hre tura min duh Vote thlak pawimawhna chu SVEEP kaltlangin a duanga, he programme hnuaiah hian Mamit District chhungah pawh District Election Office ruahmanna-in inzirtirna neih mek a nih thu a sawi a. Mamit khawpui chhunga Taxi khalhtute chu hna pawimawh tak thawk in ni a, Vote thlak pawimawhzia kan hriat chian lehzual a tul hle a, midangte hrilhhriat kawngah thawhpuia sawmin, India khua leh tui diktak te'n kan chanvo kan ram hruaitu tur kan duhtak kan thlan hi a ni tiin, kan hma lawka MLA General Election lo awm turah pawh Mamit District chu Vote thlak thatna 100% ni ngei tura tan la turin a sawm bawk a ni.

Vawiin hian Dr. Saithantluangi Zote, SVEEP Nodal Officer leh Pu Victor Lalrohlua, President MTA, Mamit Sub Hqrs te'n thawhhona thuthlung an ziak a. Thawhhona thuthlungah hian Taxi khalhtu ten an passengers te hnenah vote thlak pawimawhna uar takin November ni 7 inthlan hma chu zirtina leh hrilhhriatna an kal pui ang a. Kum 2023 MLA Inthlanpui atan 'SVEEP AMBASSADOR' niturin member zawng zawngte remtihna leh pawmna a inziak a ni.

MTDA ah hian member 54 an awm a ni.