Vawiin chawhma dar 10:30 khan Kolasib-ah District Dy. Commissioner Pu R.Liankima chuan Faina Hapta 2010 a hawng.
Faina Hapta hawnna inkhawm hi Kolasib Venglai Bazar hmunah neih a ni a. Khuallian Pu R.Liankima chuan thu sawiin Faina hapta kumtina kan hman thin chuan kan khawtlangah nasa takin hma min tisawn a. Kan khawlai a fai sawt viau mai hi a lawmawm hle a ni, a ti a. Hapta chhung mai nilova kumtluana Faina hi nunpui tum ila. A thianfaitu kan nih theih loh pawhin a tihnawktu i ni lo ang u, tiin kalkhawm te a sawm a ni. Kumin faina hapta chu VC te mawhphurhna sang tak pek an nih thu sawiin VC te mawhphurhna hi kawng hrang hrangah a sang hle a ni, a ti.
Pu S. Lianhmingthanga, DLAO & SO chuan Hapta hawnna inkhawm hi a kaihruai a. Faina Hapta chu Kolasib District pumpuiah Kolasib leh sub-town zawng zawngah hman a nih thu a sawi a. Thingtlang khua ah te pawh an theih ang anga hmang vek tura ngen an nih thu a sawi a ni. Dan ang chuan BPL member hi kumtinin kan tlem telh telh tur a ni a, a maherawhchu kan pung tulh tulh a. Sawrkarin retheite dawmkan nana Scheme a neih hrang hrangte tangkai takin mi tinin i hmang ang u, a ti.
Kolasib-ah hian kum danga Faina Hapta hman thin dan thlak danglamin kumin hian V/C tin te vengchhung faina ah mawhphur tura tih an ni a. Pawisa cheng sing khat theuh khawchhung VC te pein an area theuha school, office, restaurant leh vantlang hmun te tihfai hna thawk tura tih an ni a. A hranpa a category hrang hranga endikna siam lovin veng fai chauh an thlang dawn a ni. Hapta hi 8th October-ah khar a ni ang a, hetah hian lawmman sem a ni ang. Veng tinah khawtlang mipui ten hnatlang kovin an phur hle a ni.
Faina Hapta hawnna inkhawmah hian sawrkar deptt. hotute leh tlawmngai pawl te, veng hrang hrang mipui hnatlang chhuak te an tel tha hle a ni.
Pu S. Lianhmingthanga, DLAO & SO chuan Hapta hawnna inkhawm hi a kaihruai a. Faina Hapta chu Kolasib District pumpuiah Kolasib leh sub-town zawng zawngah hman a nih thu a sawi a. Thingtlang khua ah te pawh an theih ang anga hmang vek tura ngen an nih thu a sawi a ni. Dan ang chuan BPL member hi kumtinin kan tlem telh telh tur a ni a, a maherawhchu kan pung tulh tulh a. Sawrkarin retheite dawmkan nana Scheme a neih hrang hrangte tangkai takin mi tinin i hmang ang u, a ti.
Kolasib-ah hian kum danga Faina Hapta hman thin dan thlak danglamin kumin hian V/C tin te vengchhung faina ah mawhphur tura tih an ni a. Pawisa cheng sing khat theuh khawchhung VC te pein an area theuha school, office, restaurant leh vantlang hmun te tihfai hna thawk tura tih an ni a. A hranpa a category hrang hranga endikna siam lovin veng fai chauh an thlang dawn a ni. Hapta hi 8th October-ah khar a ni ang a, hetah hian lawmman sem a ni ang. Veng tinah khawtlang mipui ten hnatlang kovin an phur hle a ni.
Faina Hapta hawnna inkhawmah hian sawrkar deptt. hotute leh tlawmngai pawl te, veng hrang hrang mipui hnatlang chhuak te an tel tha hle a ni.
