Nimin khan Thenzawl Zone Football Association leh Mizoram Football Association tangkawp ten LAD Minister Pu PC Lalthanliana nu leh pate hriatrengna puala an buatsaih Mizoram Open 1st Zanghinga & Lianchhingpuii Memorial Football Running Trophy-2010 chu Mizoram Chief Minister leh Bialtu MLA Pu Lal Thanhawla'n Thenzawl Public Playground-ah a hawng
Chief Minister chuan Zoram pum huap football tournament lian tak buatsaihtu Thenzawl Zone Football Association leh Mizoram Football Association te chu fakin, nu leh pate hmangaihna lantir a an puala tha leh sum tam tak sengtu LAD Minister Pu PC Lalthanliana pawh entawntlak anih thu sawiin lawmthu a hrilh bawk a ni.
Chief Minister chuan Sawrkarin rorelna dik, fel leh tha a duh thu sawiin hemi tur atan hian hruaitu tha mai bakah mipui tha pawh mamawh a ni a, tha leh tha in lawm tawn a nih loh chuan a hlawhtlinna hmuh tur a awm dawn loh avangin hruaitute leh mipuite pawh mahni insiamthat a ngaihna laiah rilru fim leh zau tak put a tul thu a sawi a, Sawrkarin Mizoram hmasawnna atan ruahmanna tam tak a neih zinga a ngaihpawimawh zual pathumte chu retheite chhanchhuahna beihpui thlak, thalaite tana khawvel thar buatsaih leh Kut tling lova sum lakluh (eiruk) tih bo te an nih thu a sawi bawk.
Chief Minister chuan NLUP kalpui turin Sawrkar a inpeih tawh thu sawiin a hlawhtlinna chu a dawngtu mipuite taimakna, rinawmna leh inpeknaah a innghat dawn a ni a ti a, ram leilung fate hian thawh tur kan hmuh ang ang te kan thawh vat vat loh chuan rampawn lam atangin hnamdangten min chhuhsak zo dawn a ni tiin thalaite chu hnathawh hreh nei lo turin a chah a, thianghlimna kawnga invawn uluk a pawimawh thu pawh sawiin zuk leh hmuam bakah kawng tinrenga insum theih a, kan taksa mamawh chin chiah ei a ngai a ni a ti bawk.
Sawrkarin thalaite hmakhua a ngaihpawimawh thu sawiin India ram chauh nilo khawvel pumpui hawlh tlang khawpa hming chher thei a thalaite buatsaih turin Sawrkarin ruahmanna tam tak a siam thu a sawi a, Thenzawl Playground pawh changtlung zawka siam a nih theihnan Sawrkarin ruahmanna a kalpui mek thu a sawi a, Thenzawl Hockey Field-a astro-turf phah anih tur thu te, Lungleiah Contact Sports centre dah anih tur thute bakah infiamna tihhmasawnna tura ruahmanna chi hrang hrang a tarlang a, thalaite talent hi cho chhuah tham a awm tih Sawrkarin a hriat thu leh cho chhuah ngei a tum thu uar takin a sawi bawk.
Sawrkar hnathawk zelthel leh eiruk chingte Sawrkarin a dapchhuah mek thu sawiin hemi kawngah hian eng anga beihna nasa pawh tawk mahse Mizoram hmalam hun thlir reng chungin Sawrkar a zam dawnlo tih thu a sawi a, tumah thliar bik an nih dawn loh thu leh thil ti diklote chu dan hnuaiah an phu tawk ang zela rorel sak an nih tur thu a sawi bawk.
Chief Minister te nupa hian an fate hmingin he Tournament-a Best Player trophy hi an donate a ni.
He Tournament donor leh a bul tumtu ni bawk LAD Minister Pu PC Lalthanliana pawhin thusawiin ruahmanna anga tluang taka inbuatsaihnate tihhlawhtlin a ni chu lawmawm a tih thu sawiin, a nu leh pate ngaihlut saktu zawng zawngte hnenah lawmthu a sawi a, he Tournament hi tihhlawhtlin anih theih nan mipuite tawiawmna a ngen nghal bawk a ni. Minister hian donor anih angin he Tournament a senso ngai zawng zawng leh lawmman hrang hrangte a donate a ni.
July 14, 1999 a boral Pi Lianchhingpuii leh December 26, 1998 a boral Pu Zanghinga te hriatrengna Mizoram pum Tournament hi Thenzawl Zone Football Association ten Mizoram Football Association leh Serchhip District Football Association te hriatpuia an buatsaih a ni a, Mizoram hmun hrang hrang atangin Football Team 33 an tel a, an zinga pali hi 1st Division team an ni. nimin October 1, 2010 khan inkhel tan nghal a ni a, October 16, 2010 ah Final khelh a ni ang. He Tournament a Team hrang hrangte chu Group 6 ah then an ni a, Group tina a sang pahnihten Round of 16 an lut ang. 1st Division Team te erawh chu Group Stage hi khel ve lovin Round of 16 lut sa an ni. He Tournament kalhmang hi a danglam deuhna chu a duh apiang tana tel theih a ni a, English FA Cup ang deuhin Team tel turah inthliarna a awm lo a ni.
He Football Tournament hawnna inkhawm ah hian Industries Minister Pu S.Hiato, Serchhip DC Pu H.Darzika, Serchhip SP Pu John Zothansanga, Mizoram Football Association, Serchhip & Lunglei District Football Association bakah Sawrkar official thahnem tak an tel a, mipuiin an hlut hle bawk a ni.
Chief Minister chuan Sawrkarin rorelna dik, fel leh tha a duh thu sawiin hemi tur atan hian hruaitu tha mai bakah mipui tha pawh mamawh a ni a, tha leh tha in lawm tawn a nih loh chuan a hlawhtlinna hmuh tur a awm dawn loh avangin hruaitute leh mipuite pawh mahni insiamthat a ngaihna laiah rilru fim leh zau tak put a tul thu a sawi a, Sawrkarin Mizoram hmasawnna atan ruahmanna tam tak a neih zinga a ngaihpawimawh zual pathumte chu retheite chhanchhuahna beihpui thlak, thalaite tana khawvel thar buatsaih leh Kut tling lova sum lakluh (eiruk) tih bo te an nih thu a sawi bawk.
Chief Minister chuan NLUP kalpui turin Sawrkar a inpeih tawh thu sawiin a hlawhtlinna chu a dawngtu mipuite taimakna, rinawmna leh inpeknaah a innghat dawn a ni a ti a, ram leilung fate hian thawh tur kan hmuh ang ang te kan thawh vat vat loh chuan rampawn lam atangin hnamdangten min chhuhsak zo dawn a ni tiin thalaite chu hnathawh hreh nei lo turin a chah a, thianghlimna kawnga invawn uluk a pawimawh thu pawh sawiin zuk leh hmuam bakah kawng tinrenga insum theih a, kan taksa mamawh chin chiah ei a ngai a ni a ti bawk.
Sawrkarin thalaite hmakhua a ngaihpawimawh thu sawiin India ram chauh nilo khawvel pumpui hawlh tlang khawpa hming chher thei a thalaite buatsaih turin Sawrkarin ruahmanna tam tak a siam thu a sawi a, Thenzawl Playground pawh changtlung zawka siam a nih theihnan Sawrkarin ruahmanna a kalpui mek thu a sawi a, Thenzawl Hockey Field-a astro-turf phah anih tur thu te, Lungleiah Contact Sports centre dah anih tur thute bakah infiamna tihhmasawnna tura ruahmanna chi hrang hrang a tarlang a, thalaite talent hi cho chhuah tham a awm tih Sawrkarin a hriat thu leh cho chhuah ngei a tum thu uar takin a sawi bawk.
Sawrkar hnathawk zelthel leh eiruk chingte Sawrkarin a dapchhuah mek thu sawiin hemi kawngah hian eng anga beihna nasa pawh tawk mahse Mizoram hmalam hun thlir reng chungin Sawrkar a zam dawnlo tih thu a sawi a, tumah thliar bik an nih dawn loh thu leh thil ti diklote chu dan hnuaiah an phu tawk ang zela rorel sak an nih tur thu a sawi bawk.
Chief Minister te nupa hian an fate hmingin he Tournament-a Best Player trophy hi an donate a ni.
He Tournament donor leh a bul tumtu ni bawk LAD Minister Pu PC Lalthanliana pawhin thusawiin ruahmanna anga tluang taka inbuatsaihnate tihhlawhtlin a ni chu lawmawm a tih thu sawiin, a nu leh pate ngaihlut saktu zawng zawngte hnenah lawmthu a sawi a, he Tournament hi tihhlawhtlin anih theih nan mipuite tawiawmna a ngen nghal bawk a ni. Minister hian donor anih angin he Tournament a senso ngai zawng zawng leh lawmman hrang hrangte a donate a ni.
July 14, 1999 a boral Pi Lianchhingpuii leh December 26, 1998 a boral Pu Zanghinga te hriatrengna Mizoram pum Tournament hi Thenzawl Zone Football Association ten Mizoram Football Association leh Serchhip District Football Association te hriatpuia an buatsaih a ni a, Mizoram hmun hrang hrang atangin Football Team 33 an tel a, an zinga pali hi 1st Division team an ni. nimin October 1, 2010 khan inkhel tan nghal a ni a, October 16, 2010 ah Final khelh a ni ang. He Tournament a Team hrang hrangte chu Group 6 ah then an ni a, Group tina a sang pahnihten Round of 16 an lut ang. 1st Division Team te erawh chu Group Stage hi khel ve lovin Round of 16 lut sa an ni. He Tournament kalhmang hi a danglam deuhna chu a duh apiang tana tel theih a ni a, English FA Cup ang deuhin Team tel turah inthliarna a awm lo a ni.
He Football Tournament hawnna inkhawm ah hian Industries Minister Pu S.Hiato, Serchhip DC Pu H.Darzika, Serchhip SP Pu John Zothansanga, Mizoram Football Association, Serchhip & Lunglei District Football Association bakah Sawrkar official thahnem tak an tel a, mipuiin an hlut hle bawk a ni.
Attachment
- Loading attachment...
