Vawiin khan Kolasib District Committee on Observance of Cleanliness Week chu an chairman Kolasib DC Pi Niharika Rai, IAS hovin DC Conference Hall-ah an thu khawm a. Cleanliness Week hman dan tur an rel.

Kumin Faina hapta hawn hun October 2 chu Pathianni a nih avangin a tuk Thawhtanni- zing dar 7:30 ah Kolasib Venglaia Gandhi lim awmnaah a hawnna inkhawm neih a ni ang a. Hetah hian DC chu khuallian niin Week hi a hawng ang. Hapta chhung hian Veng fai thlan a ni ang a. Office leh zirna In te chu inelna nei lovin faina kawnga hma la tura ngen nise tiin Committee chuan a rel a. Khawpui chhung kawngpui dung hnawk a awm leh awm loh endikin sawrkar thuneitute kalkual se, chanchinbu pawh a hranpaa thuziaka inelna siam lovin lawman pek nise, tiin Committee chuan a rel bawk a ni.

Kolasib khaw chhunga VC tinah a tul anga hnathawh nan Rs. 10,000 theuh pek nise, SDO thuthmun Kawnpui leh Vairengte ahte pawh Faina Hapta hi hman nise tiin Committee chuan a rel a. 10th October ah Week hi Shopping Centre-ah khar a ni dawn a ni.