Election Commission of India duhdan angin Mizoram chhunga vote nei theih zat endikna Special Summary Revision 2012 chu neih leh tur a ni a. 1.1.2012-a kum 18 tling chin-te electoral roll-a khung tur hian inbuatsaihna kalpui tan mek a ni.

Draft Electoral Roll hi 1.10.2011-ah tarchhuah tur a ni ang a, ni 1.11.2011 thleng dilna hrang hrangte hi bialtu ERO/AERO/BLO/DO te hnenah thehluh theih a ni ang. Kum bithliah tehfungah chuan 1.1.2012-a kum 18 tling chin an ni tur a ni. (Ni 1.1.1994 leh a hma lama piang tihna a ni.) Draft Electoral Roll hi thun tur zawng zawng thun fela endik kim hun chhung atan 1st - 31st December, 2011 a ni ang a, Final Electoral Roll chu January ni 5, 2012 ah tarchhuah a ni ang. Special Summary Revision atan mipui vantlang hriattur thil pawimawh chi hrang hrang te chu vengchhung aurinna ah fiahfai taka puanzar thin tur a ni.