Vawiin khan DC Conference Hall Kolasib ah Independence Day lo awm tur hmandan tur chungchang ah meeting neih a ni a. Meeting hi Pu H. Lalengmawia Deputy Commissioner Kolasib chuan kaihruaiin, Kolasib District chhunga Sawrkar Officer te leh aiawh te bakah NGO aiawh te an tel kim hle. Kumin Independence Day hi Tumpui khelmual Kolasib ah hman tum a ni a. Hemi pual hian Football Tournament Kolasib District Football Assaciasion huathawta neih dan tur an rel bawk.

Meeting hian Department hrang hrang te mawhphurhna siamin, parade contigent a te tur pawh a siamfel nghal a, Armed and Un Armed Contingent 10 leh School Contingent 10 beisei an ni.

Meeting chuan Sawrkar Office a thawk tu Officer leh staff te chu Independence day lawmna ngai pawimawh a tel ngei nise tiin a rel bakah mipui pawh a tam thei ang ber tel tura sawm nise a ti bawk.