Vawiin khan LAD Conference Hall-ah Pu H.Lianzela, Addl. Deputy Commissioner kaihhruaina in School Safety Programme hman a ni. He hunah hian Mamit khawpui chhung a School Zirtirtute an kal kim hle a ni.

Pi Lalbiaksangi, Deputy Commissioner, Mamit chuan thu tawi sawiin zirtirtu kalkhawm te chu rikrum thil leh chiatrupna lo thlen palh pawh a, an pawimawh zia leh Lirnging leh thilpui tleh ah te school naupang tamtak thlamuan theitu an nih zia a sawi a.Naupang mani sa himna leh in veng thiamlo te awmkhawmna anih avangin chhiatrupna thleng thei laka kan inven lawk leh khuarel chhiatna lo thlen thulh pawh a chet lak dan tur kan lo hriat lawk hi zirtirtu te tan atul tak zet ani a ti. Zirtirtu kalkhawmte hi an mahni school theuh ah School Disaster Management Plan fel tak siam theuh turin leh July thla chhunga DC Office a thehlut turin a hriattir bawk.

Kalkhawmte hi Pu Lalchhuanawma, DDMC chuan powerpoint presentation hmangin chhiatrupna laka kan in ven dan tur leh School Disaster management plan neih dan tur a tarlang.

Heng bakah hian zawhna leh chhanna hun neih a ni.

Chawhnu lamah St.Francis of Assissi School ah chhiatrupna lo thlen thulh a chet lak dan tur nunchan neih niin hemi ah hian State Disaster Response Force Team, 4th IR lam atangin an lo kal a ni.

Mock Drill neih zawh anih hian St.Francis of Assissi School hall ah khaikhawmna neih zui nghal ani bawk.