Vawiin khan Kolasib DC Pu R. Lalramnghaka hovin kumin Independence Day lawmna tura ruahmanna kalpui tawh dan te thlirhona, DC Conference Hall –ah neih a ni a. Pu R. Lalramnghaka chuan Department Head theuhte chu an tihtur chanpual theuh an tih tawh te zawtin harsatna an neih ang angte Committee-a thlen turin a sawm a . He ni ropui kan lawm tur hi kokim taka anmahni leh an hnuaia staff ten ngai pawimawha tel vek turin a hrilh a ni.

Celebration Committee neih tawh ina alo rel point hrang hrangte chu he hunah hian thlir nawnin felfai taka Indepence Day hi lawm a nih theih nan in buatsaih nise an ti a. Kum danga SSA band party , Ceremonial parade-a hnam hla rem thin chu a awm tawhloh avangin ruahmanna dang siam a ni a. Parade rehearsal hun chu tlema ti danglamin 12th leh 13th August 2013 –ah te neih a ni dawn a ni.

Independence Day lawmna 10:00 am –a Tumpui muala neih turah hian mipui zawng zawngte sawm an ni a. Kokim taka kal a nih theih nan NGO hrang hrangte leh Kohhran te chu he ni-a programme buatsaih lo tur hian Celebration Committee chuan a ngen a ni.