Nimin khan Kolasib DC Pu Lalfela Sailo hovin Kolasib DC Conference Hall-ah kumin Independence Day hman dan tur ngaihtuahin Department tin aiawhte leh NGO aiawhte an thukhawm a. India zalenna champha chu phur leh ropui thei ang bera hman nise an ti.

Pu Lalfela Sailo chuan Sawrkar Department Officer zawng zawng leh an hnuaia mite chu kokim taka he ni ropui tak lawm tur hian kal ngei nise, a ti a. India khua leh tui kan nih ang ngeiin kan zalenna ni hi I ngai pawimawh ang u, a ti a ni.

Kumin Independence Day chu Tumpui ground-ah chawhma dar 10:00-ah lawm nise, At Home chu chawhnu dar 1:00-ah DC bangla-ah neih nise tiin Committee chuan an rel a ni. Kumin hian I-Day lawmna atan Football (men) leh Volley Ball (men & women) buatsaih nise an ti a, kum danga tih thin angin Home hrang hrangah tanpuina sem leh nise, hemi atan hian Deptt. tin ten an phal ang tawk tawk pawisa thawh se tiin an rel bawk a. I- Day lawmna atan hian Deptt. tinte chu an tih theih ang apiang lungrual taka thawk tlangin an kova chanpual awm te theihpatawpin hmalak theuh nise an ti a, Department hrang hrang tihturte Committee hian a ruatfel nghal a ni.