679/2026-2027

Kolasib, 22nd May, 2026: Ministry of Tribal Affairs, Government of India hmalakna in leh Deputy Commissioner's Office, Kolasib District buatsaihin Taitesena Hall, Venglai, Kolasib-ah 'Janjatiya Garima Utsav 2026' leh 'Jan Bhagidari Abhiyan' hman a ni. He hun hi May ni 18 atanga ni 25, 2026 chhung hman tur a ni a, thupui atan 'Sabse Door, Sabse Pehle' tih hman a ni.

He hun hmanpuitu Kolasib Deputy Commissioner Pu H. Dolianbuaia chuan vawiina mipui tana tangkai tur programme buatsaih a ni chu lawmawm a tih thu a sawi a. Hun hlu tak senga mipuite hriat tur pawimawh leh hamthatna scheme hrang hrang department ten an chhawpchhuak thei chu lawmawm a tih thu sawiin, an inbuatsaihna tha tak chu fakawm a tih thu a sawi. Department hrang hrangte thawhhona a that thu leh, vantlang mipuite tana hriattur pawimawh scheme hrang hrang an lo hrilhfiahnaah hian rah tha a chhuah ngei a beisei thu a sawi bawk.

Janjatiya Garima Utsav hman chhung hian mipuite tana hamthatna hrang hrang pholan niin, mipui rawn kalte hnenah scheme hrang hrang sawifiahna hun hman thin a ni a. Department hrang hrang tel te leh an thil chhawpchhuah te chu hetiang hi a ni: 

 1. Health Department: X-ray, TB rinhlelh khak lak, damdawi sem leh BP & Sugar endikna.

 2. Women & Child Development (DPO): Scheme hrang hrang 6 an chhawpchhuak.

 3. Power & Electricity (P&E): Roof-top Solar scheme.

 4. Public Health Engineering (PHE): Ruahtui khawl dan leh tuihna humhalh dan inzirtirna.

 5. BSNL: FTTH free wifi connection leh free prepaid 4G.

 6. UD&PA: Pradhan Mantri Awas Yojana - UTAM 2.0 scheme.

 7. Agriculture: National Mission on Edible Oils - Oil Palm (NMEO-OP) 2025-2026 hnuaia Oil Palm awareness campaign leh PM KISAN Scheme.

 8. Local Administration Department (LAD): 15th Finance Commission hnuaia hnathawh hrang hrangte.

 9. DRDO: PMAY-G, PMKSY 2.0 leh MGNREGS aia VIKSIT Bharat-GRAM that biknate.

 10. PWD: PMGSY Scheme hnuaia hna kal mek (ongoing works) leh April 2026 thlenga hma an sawn dan (progress report).

 11. Samagra Shiksha: Zirlaite hnenah story book sem a ni a. Blind school-ah blind football, mitdel sana leh calculator te an pe a, heng bakah hian tiang leh walker te an pe thin bawk a ni.

 12. State Bank of India (SBI)

 13. Mizoram Rural Bank (MRB)

 14. NABARD