680/2026-2027

Dated Serchhip, the 22nd May, 2026: Vawiin khan Serchhip District Bawrhsap Pu Paul L. Khuma hovin Serchhip DC Meeting Hall-ah Prime Minister Dharti Aaba Janjatiya Gram Utkarsh Abhiyan (PM-DAJGUA) kalpui dan thlirletna neih a ni. 

Nikum lama hmalakna hrang hrangte thlirlet niin mipuite'n sawrkar scheme hrang hrangte an lo hmelhriat a, an chhawr tangkai ngei theihna turin, Serchhip district-a khaw 23-ahte Scheme hrang hrang inhrilhhriatna (IEC Campaign) leh hamthatna dawngtu tur zawng zawngten an dawn ngei theihna tura hmalakna (Saturation Drive) nei tura feh chhuah  tura rel a ni.

Meeting kaihruaitu District Bawrhsap Pu Paul L. Khuma chuan PM-DAJGUA hnuaiah hian thingtlang khuate chu hmasawnna rualkhai leh tluantling thlenpui a pawimawh thu a sawi a. India ram sawrkarin mipuite hamthatna tura a duan welfare scheme chi hrang hrangte kalpuitu department - RD&AD, Health, Commerce & Industries, Women & Child Development, Agriculture, Supply leh LAD hotute chu an hmalakna data leh thlalakte a hun takah portal-a upload zui zel tur leh report-te tha taka thehlut thin turtein a chah a; mipuite chhawmdawl kawngahte theih tawp chhuah chhunzawm zel turin a ngen a ni.

PM-DAJGUA hi Central Sawrkar scheme niin, India rama Scheduled Tribe (ST) chenna khuate eizawnna leh khawtlang dinhmun chawikan nana ruahman a ni a. He scheme hnuaiah hian Central Ministry 17 zet inthlungkhawmin- in sak, tui thianghlim, kawngpui, hriselna, zirna, leh eizawnna kawngahte tribal mipuite dinhmun chawikanna tura hmalakna pawimawh tak a ni a.