Pu Lal Thanzara, MLA, Parliamentary Secretary chuan, “Sorkar ruahmanna bawhchhia-a ram tikangtu chu sawrkarin a dim dawn lo,” a ti.
He thu hi Kolasib Tumpui Community Hall-a Kolasib District Fire Prevention Awareness Campaign vawiina neiha a sawi a ni a. Pathian siam ramhmul leh nungchate venhim hi mitin ten Lalpa laka kan bat a ni a. Ramkang tur vente, luidung Sangha leh nungchate zalen taka an tlat theih nana theihtawp chhuah a, “Ram chu Lalpa ta a ni” tih thuthlung vuan tute kan nih hi kan lantir fo tur a ni, a ti a. Pu Lal Thanzara, State Level Fire Prevention Sub-committee a chairman ni bawk chuan, khua a thal rei tawh avangin mitinte ram ti kanglo tura tan la theuh turin a chah a. Sawrkar leh tlawmngai pawl ten nasa taka tan an la reng chungin kan ramah in leh ram kang thawm kan hre reng a, a vanduaithlak hle a ni, a ti a. Mimal tinten fimkhurna uar thar leh in a kang thelh kawngah pawh tumah kan ralbang thei lo tih i hre bawk ang u, a ti.
Pu Lal Thanzara chuan Pu Hawla hruai Congress sawrkar lo piangta chu Zoram mipuite Pathian hnena an tawngtai chhanna a ni ta a ni, tiin dik leh fel taka rorelna a awm theih nan mipuite tawngtai pui kan mamawh a ni, a ti. Mirethei ten eizawnna ngelnghet an lo neih ve a, mualeng hmu phaka an awm ve theihnan sawrkar chuan NLUP hmangin ke a pen ta mek a ni, a ti a. A hlawhtlin nana tang tlang theuh turin sawrkar hnathawkte leh mipui te chu a sawm a ni.
Kolasib DC Pu Dawngliana, District Level Fire Prevention Committee Chairman chuan inkhawm hi a kaihruai a. Ramkang ven kawngah committee chuan hma a lak nasat thu sawiin ram tikangtu engemaw zat chu dan hmanga hrem a case siamsak an ni, a ti.
He inkhawmah hian Pu Vanlalsawma, IFS, DFO Kolasib chuan district chhunga Fire Prevention chungchang leh a kaihhnawihte a sawi a. Report-a a lan danin, ram kan dan hi a kum telin a tlahniam a. Kum 2005 khan ram 1905 ha. tih kan a ni a, kum 2006 ah chuan 3396 ha. tihkan a ni. Kum 2007 ah hei hi tlahniamin 905 ha. a zau a kanga, 2008 ah chuan 36 ha. a zau a kang a ni. Kolasib District chhungah hian tlangsang tehchiam a awmlo a, mau lak leh hmunphiah keh avangin kangmei laka fimkhur ngai hle a hriat a ni a. Ramngaw chhah (Virgin Forest) hmuhtur a awm tawh lova, ramngaw pangngai 9 km a zau chauh awma record a ni. Bamboo forest 884.38 sq.km. a awm a, loneihna hmun 136 sq. km. ni a chhut a ni bawk a ni.
Pu Lal Thanzara chuan Pu Hawla hruai Congress sawrkar lo piangta chu Zoram mipuite Pathian hnena an tawngtai chhanna a ni ta a ni, tiin dik leh fel taka rorelna a awm theih nan mipuite tawngtai pui kan mamawh a ni, a ti. Mirethei ten eizawnna ngelnghet an lo neih ve a, mualeng hmu phaka an awm ve theihnan sawrkar chuan NLUP hmangin ke a pen ta mek a ni, a ti a. A hlawhtlin nana tang tlang theuh turin sawrkar hnathawkte leh mipui te chu a sawm a ni.
Kolasib DC Pu Dawngliana, District Level Fire Prevention Committee Chairman chuan inkhawm hi a kaihruai a. Ramkang ven kawngah committee chuan hma a lak nasat thu sawiin ram tikangtu engemaw zat chu dan hmanga hrem a case siamsak an ni, a ti.
He inkhawmah hian Pu Vanlalsawma, IFS, DFO Kolasib chuan district chhunga Fire Prevention chungchang leh a kaihhnawihte a sawi a. Report-a a lan danin, ram kan dan hi a kum telin a tlahniam a. Kum 2005 khan ram 1905 ha. tih kan a ni a, kum 2006 ah chuan 3396 ha. tihkan a ni. Kum 2007 ah hei hi tlahniamin 905 ha. a zau a kanga, 2008 ah chuan 36 ha. a zau a kang a ni. Kolasib District chhungah hian tlangsang tehchiam a awmlo a, mau lak leh hmunphiah keh avangin kangmei laka fimkhur ngai hle a hriat a ni a. Ramngaw chhah (Virgin Forest) hmuhtur a awm tawh lova, ramngaw pangngai 9 km a zau chauh awma record a ni. Bamboo forest 884.38 sq.km. a awm a, loneihna hmun 136 sq. km. ni a chhut a ni bawk a ni.
