Vawiin chhun dar 12 khan CHANEM Building-a Link Worker Project Office chu Social Welfare Minister Pu P.C. Lalthanlianan a hawng a, hawnna inkhawm hi Chief Executive Officer Pi Lalparmawiin a kaihruai a ni.
Khuallian chu thusawiin khawvel hi computer thiamna avangin a zim tawlh tawlh a, chutih rualin suah sualna chi hrang hrang a tardarh nasa telh telh thung a, hemi laka kan invenna atan hian tlawmngai pawl mai nilovin sorkar pawhin theih tawpa hma kan lak a ngai a ni, a ti. Minister chuan congress sorkar hmasa in a lo din tawh Sethawn-a De-addiction centre chu kum 2005 atang khan sorkar hmasa khan a hlamchhiah tan a, helai hmun cheng vaibelchhe tam tak senga dinah hian building lian pui pui sak a ni a, a bangte pawh tha taka hung niin a chhungah hian Biak In chenin sak a ni, a ti a. Sorkar chuan ruihhlo ngaite enkawl mai bakah after care service hi a ngai pawimawh a, hemi atan hian Sethawn hi chei that leh kan tum a, hemi atan hian JE te pawh kan enfiah tir tawh a, cheng nuai 40 atanga 50 a chei that turin ruahmanna kan siam a, hei hi Chief Minister pawhin min phalsak tawh a ni, a ti. Minister chuan Link Worker Project atang hian miin contract an hmu dawn lova, hamthatna dang dang pawh hmuh tur a awm dawn lova, mahse taksa leh thlarau damna an hmuh kan beisei a, chumi atan chuan mitin kan thawhho a tul dawn a ni, a ti. Pu P.C. Lalthanliana chuan Champhai-ah ICDS Project Office hawn thuai kan tum a, CPDO thar pawh in nei thuai dawn a ni, a ti bawk.
Thusawitu dang Champhai North Bialtu MLA Pu T.T.Zothansanga chuan Politics ka luh hmain MSACS hnuaia tanpuina lokal thin hi mi thiltithei deuh ten sum siamna hmanrua atan an hmang mai mai thinah ka ngai a, thubuai an neih pawhin ka hnenah an lokal thin. Mahse ka han zir chiang a, chutiang ngawt chu a lo ni lova, tunah hian HIV vei, harsa tak tak tanpui ngai ngawih ngawih an awm tih ka hre chho ta zel a, he hna hi hna hautak, tih tak tak thlaka beih ngai a ni tih ka hmuchhuak a, chuvangin tute emaw tih atana papek mai lovin kan zavaia kan tanrual a ngai a ni, a ti.
Champhai DC Pu TV Fambawl pawhin thutawi sawiin HIV/AIDS hi a hlauhawm tehlul nen Mizote hian an hlauh loh zawng a ni tlat mai a, chuvangin hmalak a harsa a, Awareness nei tawh ten an hlau lova, a la nei lo phei chuan an hlau lo lehzual a ni, tiin he natna chungchanga hmalak nasat a tul zia a sawi a, tunah hian mi tlawmngai zual ten AIDS Do pawl dinin anmahni sum sengin hma an la a, tanpui an ngai tak zet a ni, a ti a, Link Worker Project lo ding thar nen hian tha taka an thawhho a beisei thu a sawi.
Link Worker Project hi Mizoram Social Defence & Rehabilitation Board (MSD&RB) hnuai ami niin he Project in a tum ber chu thingtlang kilkhawr zawk ami ten HIV/AIDS, STI chungchanga zirtirna dik hrilhhriatna an dawn ve theih nana hmalakna a ni.
Thusawitu dang Champhai North Bialtu MLA Pu T.T.Zothansanga chuan Politics ka luh hmain MSACS hnuaia tanpuina lokal thin hi mi thiltithei deuh ten sum siamna hmanrua atan an hmang mai mai thinah ka ngai a, thubuai an neih pawhin ka hnenah an lokal thin. Mahse ka han zir chiang a, chutiang ngawt chu a lo ni lova, tunah hian HIV vei, harsa tak tak tanpui ngai ngawih ngawih an awm tih ka hre chho ta zel a, he hna hi hna hautak, tih tak tak thlaka beih ngai a ni tih ka hmuchhuak a, chuvangin tute emaw tih atana papek mai lovin kan zavaia kan tanrual a ngai a ni, a ti.
Champhai DC Pu TV Fambawl pawhin thutawi sawiin HIV/AIDS hi a hlauhawm tehlul nen Mizote hian an hlauh loh zawng a ni tlat mai a, chuvangin hmalak a harsa a, Awareness nei tawh ten an hlau lova, a la nei lo phei chuan an hlau lo lehzual a ni, tiin he natna chungchanga hmalak nasat a tul zia a sawi a, tunah hian mi tlawmngai zual ten AIDS Do pawl dinin anmahni sum sengin hma an la a, tanpui an ngai tak zet a ni, a ti a, Link Worker Project lo ding thar nen hian tha taka an thawhho a beisei thu a sawi.
Link Worker Project hi Mizoram Social Defence & Rehabilitation Board (MSD&RB) hnuai ami niin he Project in a tum ber chu thingtlang kilkhawr zawk ami ten HIV/AIDS, STI chungchanga zirtirna dik hrilhhriatna an dawn ve theih nana hmalakna a ni.
