1843/2024-2025

Kolasib Dated the 30th August, 2024: Vawiin khan Kolasib Deputy Commissioner Conference Hall, Kolasib-ah District Legal Services Authority Kolasib leh Deputy Commissioner, Kolasib tangkawp in an huaihawt ‘Legal Awareness Campaign on the Sexual Harassment of Women at Workplace (Prevention, Prohibition and Redressal) Act, 2013 and Women Centric Laws’ zirhona neih a ni a. Pu Robert C. Lalhmangaiha, Deputy Commissioner, Kolasib chuan he hun hi a hmanpui  a ni.

Kolasib DC  Pu Robert C. Lalhmangaih a chuan, ‘Legal Awareness Campaign on the Sexual Harassment of Women at Workplace (Prevention, Prohibition and Redressal) Act, 2013 and Women Centric Laws’ zirhona hun buatsaih ani chu lawmawm a tih thu sawiin vawiin a an hun hman chu Sawrkar in a ngai pawimawh em em a ni, a ti. Sexual harassment chu khawvel changkang zelah khawvel in hma a sawn ruala kan hnathawhna ah te, kan in ah te, hmun hrang hrang a thil thleng a ni, a ti a. Chu thil thleng thin chu sual anih avangin do tur kan ni a, a pawimawh avang leh mi nun tichhe thei thil a nih avangin, sawrkar a hotute pawh in an ngaih thutak hle a ngai a ni, a ti. 

Zirtirna petu Pi Cacy Malsawmtluangi Ralte, CJM cum Secretary, (DLSA) Kolasib chuan ‘Legal Awareness Campaign on the Sexual Harassment of Women at Workplace (Prevention, Prohibition and Redressal) Act, and Women Centric Laws’ zirho tura officer thahnem tak an lo kalkhawm thei chu lawmawm a tih thu a sawi a.  Supreme Court-in hnathawhna hmun hrang hranga hmeichhia te chunga hleilenna (Sexual Harassment of Women at Workplace, Act) a rawn ngaipawimawh lehzual chhan sawifiahin, he dan awmsa November, 2013-a India ramchhunga lo hman tawh chu a aia huam zau  leh mumal taka kalpui anih theih nan Supreme Court-in khauh zawka dan thar  rawn duang chhuak anih thu a tarlang a. Head of office zawng zawngten an mahni office theuh ah hmeichhia ten hursualna lam rawngkai an tawh hun a an zualko na tur ‘Internal Complaint Committee’ an din theuh a ngaih tawh thu a tarlang a. Inquiry Committee Member office tinah member pathum aia tlem lo an awm a ngai a, complaint rawn lut te chu ni sawmkua chhunga chinfel ngei a ngaih tawh thu a sawi . Hmeichhia harassment tawk ten Internal Complaint Committee-ah ni sawmthum chhunga an zualko a ngaih tawh thu pawh ngaihthlak a ni a. Thil tihsual tute hremna dan hrang hrang tarlan a ni bawk. 

Vawiin a Legal Awareness Campaign hmanna ahhian Pi B. Malsawmtluangi, Addl. DC Kolasib te, Kolasib khawpui huamchhunga Head of office zawng zawngte leh District Legal Services Authority (DLSA), thawktute an kal khawm a. Zawhna leh chhanna hun hman a ni bawk.