Vawiin khan DRDA, Kolasib buatsaihin Village Employment Council under MGNREGS training kar khat chhung awh tur chu Project Veng Kolasib-a AMFU Hall-ah tan a ni a, chawhma lam khan Pi Maria C.T. Zuali, Project Director chuan a hawng a ni.

Training hi Kolasib District chhunga khaw tina VEC te tana buatsaih a ni a, hei hi Mahatma Gandhi NREGS chungchang leh a kaihhnawih thil chi hrang hrang inzirtirna atana tih a ni a. A tan ni vawiin hian khaw 6 koh phawt an ni a, nitin a inchhawkin khaw hrang hrang koh an ni dawn a ni.