3515/2024-2025

Dated Kolasib the 13th December 2024: Vawiin Khan Mizoram Secondary School Games Vawi 41-na December ni 10-13 chhung Kolasib District a neih kharna Program chu Kolasib Sports Stadium ah hman a ni a. He hun hi Pu Lalfamkima, Deputy Speaker, Mizoram Legislative Assembly chuan Khuallian niin a hmanpui. 

Khuallian chuan thu sawiin Mizoram Secondary School Games Vawi 41 na tluang taka zawh fel a ni thei chu lawmawm a tih thu a sawi a, he Games a hlawhtlinna atana an hun leh tha seng zawng zawng te chungah lawmthu a sawi nghal bawk.

Zirlai kalkhawmte hnenah fuihna thuchah sawiin, tunah chuan thian za ho in awm ho dial dial mahse nakin hunah erawh an dinhmun chu ala inang lo hle dawn a chuvang chuan tuna an zirlai ah theihtawp an chhuah a ngai a ni, a ti. Zirlai te tan intodelh zir tan a pawimawh a ni, a ti a, tuna kan thil zir mek chu keimahni tan mai nilovin kan ram leh hnam tan a ni tih hriat a ram leh hnam humhalhna thinlung pu turin a ngen a, Zirlaite chu ruihtheihthil a inthiarfihlim turin a chah bawk.

Pu Lalfamkima chuan zirtirtu office a in attach thin chu pawi a tih thu a sawi a. Zirtirtu chuan zirtirna hna thawk a an post a rinawm taka awm chu an tihmakmawh a ni, a ti. Zirtirtute mai nilo, sawrkar hnathawkten kan hna kan ngaih pawimawh a tul takzet a ni, a ti a. Sawrkar in Posting na tur hmun a siam ah thuawih taka an awm angai a ni, a ti. An hna chu mipui tan thawk an nih avangin mipuiten an mamawh hunah  an awm a pawimawh a ni, a ti. 

Pi R Lalnunthari, Jt Director leh Chairman Organising Committee MSSG 2024 ni bawk chuan thusawina neiin High School Games hmasawn theihna turin zirtirtute leh Directorate atang pawh in theihtawp chhuah thin a ni, a ti a. Secondary School Games chu naupangte thiamna te leh talent tha tak tak pho chhuahna hmun a nih avangin zirtirtute leh nu leh pa te pawh an talent te hup bet tu nilo turin a ngen a. Organiser leh Kolasib a Department hrang hrang hotute hnenah High School Games a hlawhtlinna atana an hmalakna ah lawmthu a sawi nghal bawk.

Mizoram Secondary School Games vawi 41 na hi December ni 10 atang ni 13 chhung a neih a ni a.  District 10 atanga infiammi leh zirtirtute  kalkhawm hi 939 anni a Kolasib District nen chhiar telin he High School Games a tel zawng zawng hi 1048 an ni. Infiamna hi hmun hrang hrangah neih niin Kolasib Sports Stadium chu Main Kolasib ah Mizoram Secondary School Games Vawi 41 na kharna hun Deputy Speaker in a hmanpui.