3514/2024-2025

Dated Aizawl: 13 December 2024 : Vawiin khan Branch Micro, Small and Medium Enterprises Development Office, Ministry of MSME, Aizawl chuan Entrepreneurship Awareness Programme (EAP) chu VTR Skill Training Centre, Khatla, Aizawl-ah buatsaihin, he hunah hian Zirlai leh Entrepreneur-te thahnem tak an tel a ni.

He programme hi Ministry of MSME, Government of India hnuaia Entrepreneurship cum Skill Development Scheme KALTLANG a huaihawt niin; . Entrepreneur / zirlaite zingah entrepreneurship pawimawhna leh kawng awm thei hrang hrangte inkawhhmuh bakah, hemi lam a sorkar scheme awmte leh Micro, Small and Medium Enterprises (MSME) sector-a Mizoram tihhmasawn nana sum leh paia tanpuina awm thei chungchangte inhrilhhriatte chu he programme hian a tum ber a ni.

Vawiina hun hmanah hian mi 60 chuang an tel a. Shri Vinayak Navghare , AGM, SIDBI, Aizawl , Er. Remtluangi Renthlei, Director, VTR Skill Training Centre te, Pu Zorema Darkim, Consultant, Department of Commerce & Industries-te leh, Pu Christopher Lalbiaknia,Consultant, Department of Commerce & Industries te bakah, Laghu Udyog Bharti, Mizoram Chapter aiawhte leh thawktute pawh an tel a ni.

Hun hman hi Shri Samrat M. Jha, IEDS, Assistant Director Gr-I,Br.MSME-DFO,Aizawl chuan kaihruaiin, khawnvar hala hun hi hawn a ni a. Shri Samrat M. Jha, IEDS, Assistant Director Gr-I chuan programme-in a tumte sawifiahin, entrepreneurship lama hmasawn zel tur a theihtawp chhuah Turin kalkhawmte chu a fuih nghal a. Hemi hnu hian mithiam tak takte thusawi ngaihthlak a ni a. Pu Lalthakima,Young Professional, Br. MSME – DFO, Aizawl chuan lawmthu sawiin hun hi a khar a ni.

He hunah hian Er. Remtluangi Renthlei, Director, VTR Skill Training Centre chuan thusawiin, Entrepreneurship lam hawia zirlaite hmalam hun tha zawk neih theihna tura chutiang programme buatsaih a ni chu lawmawm a tih thu a sawi a. Department of Commerce & Industries, Aizawl atanga Consultant Shri Christopher Lalbiaknia pawhin Enterprise/Industries din nana Central leh State sawrkar tanpuina chungchangte a sawifiah nghal bawk a. Shri Vinayak Navghare , AGM, SIDBI, Aizawl chuan Bank ten sum leh paia tanpuina an pek theih dan te leh Small Industries Development Bank of India(SIDBI) enkawl scheme hrang hrang te a sawi zau nghal bawk a ni.

Hei bakah hian Pu Zorema Darkim, Consultant, Department of Commerce & Industries, Aizawl chuan Unnati Scheme chungchang a sawi zau bawk a. Mr. Samrat Jha chuan MSME Ministry, New Delhi-in vawiin Hun hman puala  video presentation  chu entirin, Ministry of MSME, Government of India scheme hrang hrang heng: My MSME, Udyam Registration, “Our small hands to make you big”  tih Champion Portal kaltlanga   mahni thil siamte hralh chhuah dan leh market enkawl dan (PMS Scheme leh GeM) leh Z Certification Scheme, MSE-CDP, Mudra Scheme, Pradhan Mantri Employment Generation Program etc.-te chu a sawi zau nghal bawk a ni.