3513/2024-2025
13th December, 2024 : NGO leh pawl hrang hrangten School Education Department hriatpui lohvin sikul naupangte pualin intihsiakna an buatsaih thin tih hriat a ni a. Tin, intihsiakna piahlamah hian, programme hrang hrangah thuneitute hriatpui lova zirlaite sawm an awm thin tih hriat a ni a.
Hetiang thil hi a thlen tawh lohna tur leh sikul calendar, Department-in a buatsaih mila zirlaite exam leh hun pawimawh tibahlah thei zawnga programme/activities duang lo turin, School Education Department chuan pawl hrang hrangte a ngen a. Intihsiakna leh Programme, sikul naupangte puala buatsaih tur ten Department remtihna lak hmasak tur a ni a, tin, Sawrkar School zawng zawngte pawh Department phalna la hmasa lova Intihsiak leh Programme dang, naupangte puala buatsaih tumte lo bengkhawn lo tura hriattir kan ni e. Tin, sawrkar Department dang hetiang programme buatsaih turte chuan 'No Objection Certificate' Directorate of School Education atanga la hmasa thin turin kan inngen a ni.
