3512/2024-2025

13th December, 2024 : Mizoram Science Society (MSS) leh Lunglei Science Centre, Directorate of Science & Technology te tangkawp chuan December ni 12-13 chhung khan Lunglei Science Centre, Zohnuaiah Winter Basic Science Camp an hmang. He Basic Science Camp hi Project Management Unit(PMU), PHE Dept, Gov’t of Mizoram-in a sponsor a ni.

He Camp-ah hian Lunglei leh a chhehvela sikul 20 atangin Pawl 9 zirlai  mi 42 ten ni hnih chhung hun an hmang a, Science discipline hrang hrang atangin Mizoram chhunga mithiamte Resource Person-ah hmangin Science thu ngaihnawm tak tak bakah zirlai tena Science zir kawnga harsatna an neih thin leh hriat thiam har topic pawimawhte sawifiah nana hun hman a ni bawk a ni.

Winter Basic Science Camp hi Mizoram Science Society hian nikum lamah pawh lo huaihawt tawhin zirlaiten an hlawkpui thin hle a, he hunah hian naupangte phak tawk mila bawlhlawh paih chungchangah te, tui renchem kawngah te, ramngaw humhalh leh plastic hman chungchangah te video leh slogan te hmangin inzirtirna pawimawh tak neih a ni bawk a ni.