2000/2023-2024

2023 Mimkut thla ni 25: Vawiin khan Mizoram Legislative Assembly (MLA) Inthlanpui 2023 lo awm tura Kolasib District chhunga mawhphurhna nei, Nodal Officer-te tan Kolasib DC Conference Hall-ah training buatsaih a ni.

He hun hi Kolasib District Election Officer Pu John LT Sanga chuan hmanpuiin, inthlan a hnaih tawh avangin mawhphurtu hrang hrangte training ngawrh taka kalpui a ngai tawh tih a sawi a. Nodal Officer-te chu training-naa an thil zirte uluk leh ngunthluk taka ngaithla tura chahin, inthlan felfai tak kalpui a nih theih nan an mawhphurhnate ṭha taka hlen chhuah tum turin a chah a ni.

He hunah hian Kolasib District chhunga MLA Inthlanpui 2023 atana mawhphurhna peng hrang hranga mawh phurtu, Nodal Officer atana ruatte an kal khawm a. State Level Master Trainer, Vairengte Sub-Divisional Officer (Civil) Pu Lalremruata Sailo chuan Nodal Officer-te tana hriat tur pawimawh hrang hrang a zirtir a. Zawhna leh chhanna leh sawi hona hun hman a ni bawk.