1510/2024-2025

Dated Kolasib the 9th August, 2024: Kolasib District chhunga Naupang kum khat atanga kum sawm pakua inkar te hnenah Rulhut Hlo pekna tur a beihpui thlak thawh hnihna tur National Deworming Day  chu vawiin chawhma dar 10 atang khan Kolasib District chhunga School hrang hrang leh Anganwadi hrang hrangah kalpui a ni a. He Ni pual hian Tumpui Middle School ah programme tawi hman a ni.

Dr Saichhingpuii Sailo, Deputy Chief Medical Officer, Kolasib District kaihhruaiah hian Pi F. Lalremsangi DIEC Manager, Kolasib District chuan National Deworming Day chu Rulhut pai avanga naupangin thisen an thlakchham thin a bo theihna turte, an taksa leh an rilru a than chak zawk theihna tur a tana ruahman a nih thu a sawi a. NDD chu kum khatah vawi hnih neih thin a nih thute sawiin, naupang kum 1 atanga kum 19 inkar ah pek thin a nih thu a sawi a. Rulhut hlo an sem chu chip taka thial tur a nih thu sawiin, tun hma a Rulhut hlo anga thil dang ei telah huat a awm tawh loh thute a sawi lang bawk.

National Deworming Day-ah hian Kolasib District chhungah Naupang kum khat atanga kum sawm pakua inkar mi 31500 awm te hnenah Rulhut hlo hi pek tura ruahman a ni a. Damdawi hi School leh Anganwadi hrang hrang atanga sem chhuah a ni a. Vawiin a Damdawi ei ve hman lo te chu ASHA ten zawng chhuakin an Chenna In ah Damdawi hi an pe leh vek dawn bawk a ni.