1509/2024-2025

Saitual the 9th August, 2024: Independence Day 2024 Celebration Committee-in ni 25th July, 2024-a a lo rel tawh angin Saitual District-ah Independence Day pualin ni 5 atanga ni 9 August, 2024 chhung hian Faina Hapta hman a ni a, he kar khat awh beihpui thlak "Faina Hapta" pual hian Saitual district hmun hrang hrangah hnatlang neih a ni.   

Saitual District chhunga Head of Office zawng zawng ten mahni Office/ Institution theuh te tihfai hnatlang koh niin, VC, YMA, MHIP, MUP te pawhin faina kawngah hma an la a. Govt. Saitual College NSS leh Eco Club-te chuan cleanliness drive neiin an college campus bakah Tamdil chheh velte an tifai bawk a ni. 

Saitual chhunga chhungkaw tin ten he Faina Hapta pual hian mahni in leh a velte an tifai bawk a ni.