2265/2024-2025

Dated Kolasib the 27th September 2024: Vawiin khan Kolasib DC Conference Hall ah Pu Robert C Lalhmangaiha, Kolasib DC kaihhruaina in National Highway 306&06 thawmthat hnathawh kal mek a monitoring Committee review meeting neih a ni a. He hunah hian Kolasib DC bakah Kolasib SP Pu David H Lalthangliana ,ADDITIONAL DC, MPWD Sr EE , DIPRO,General Manager NHIDCL, JAC & KDTOA, YMA leh Contractors te an tel a ni.

Vawiin thutkhawmna hi Kolasib District chhung a National Highway 306&06 kawng chhia avanga Kolasib District Truck Owners Association leh JAC Co Ordination Committee te ina National Highway Road Block August ni 22, 2024 a an neih hnua inremna leh hna chak zawk a thawk tura intiamkamna lehkha August ni 23, 2024 a an ziah; an hun tiamkam chhung a zawh tawh avanga an hmalakna thlirletna review meeting a ni a. He hunah hian JAC te chuan kawng siam that kal mek an vil na atanga an hmuh dan leh rawtna te an tarlang a, MPWD leh NHIDCL ten an hmalak tawhna report an pe bawk.

Thutkhawmna kaihruaitu Pu Robert C Lalhmangaiha, Kolasib DC chuan kalkhawmte chu chibai bukin vawiin a an thutkhawmna chu ram hnukkhawih thil a nih avangin tihtakzeta an ngaihtuah a tul a ni, a ti a. Tun hnaiah kawng chhia avangin mi tamtak in harsatna an tawk a, Lirthei lian duh anga a tlan theih loh avangin Mizoram ah tuialhthei leh ei leh bar ah hatsatna a thleng mek a, he harsatna sukiang tura theihtawp chhuahtu KDTOA leh JAC co ordination committee te chungah lawmthu a sawi bawk. DC chuan tun dinhmunah harsatna hrang hrang avangin kawng chu duhthusam la ni lo mahse hmasawnna a awm chho zel a a hriat thu sawiin, theihtawp a tan la leh zual turin NHIDCL leh PWD hotute a chah bawk.

KDTOA leh JAC co ordination Committee te hian an report a an tarlan danin kawng chu an intiamkamna anga chhut in MPWD NH Div 3 chan ah hmalakna 55% vel leh NHIDCL chanah hmalakna 45% vel hmu ah in ngai in theihtawp a tan an lak zual zel a ngai a ni, an ti a. Hemi chungchangah ah hian Pu Saksham Tyagi, Manager (P) NHIDCL chuan NHIDCL hnathawh dan tlangpui sawilangin NHIDCL chuan Development work, Fourlane ah a insawrbing a, maintenance atan hian fund a tlem hle a chu vang chuan hna thawh a harsat thu a sawi a. An harsatna liantham a tarlan zingah Quarry neitute hnathawhna avanga kawng leh side drain a an stone dust leh lei nawi tla nasa lutuk chuan hnathawh a tih harsat bakah tui nasa takin a tling thin a, chu chuan hmasawnna a ti muang hle a ni, a ti a. Black Topping na tur tender pawh tunah hian chhang tan an awm nual tawh a, November thla atangin Black topping pawh hmun thenkhat laiah kalpui tan theih a ni tawh ang a ti bawk.

Thutkhawmna ahhian theih anga chaka hmalakna chhhunzawm tura rel niin, KDTOA leh JAC co ordination Committee mai bakah Sub Hqrs YMA pawh Additional DC Chairman na hnuaia monitoring ah tel tawh tura rel niin, he monitoring team hian kawngpui siam mek  hmalakna hrang hrang te endikna an nei thin dawn a ni.