2266/2024-2025

Dated Kolasib The 27th September, 2024: Vawiin khan KVK Kolasib chuan Mizoram University a Department of Horticulture, Aromatic and Medicinal Plants te nen tangkawpin Farmers te tan KVK Kolasib ah training an buatsaih a. Pu J.V. Vaishampayan, Professor & Vice Chancellor, (Uttar Pradesh University) lo ni tawh chuan khuallian niin he hun hi a hmanpui.

Vawiin Training ah hian farmer ten hlawk zawka sawhthing enkawl dan leh chin dan te zirtir na neih a ni a. A na laka ven dan tur leh enkawl dan chungchangte leh kum tluana chawl lo a thlai thar dan te leh thlai dip daltu hlo enkawl dan zirtirna pek an ni a. Professor J.V. Vaishampayan khuallian chuan farmer ten an thlai tha tak a an enkawl theih nan kalkhawmte hnenah hlo kah na bur te, thlai chi leh a enkawlna tur damdawi te semna a nei a. Professor Rambir Singh, HoD, HAMS, Department of  Bio-technology chuan Project chungchang sawifiah na hun a nei bawk.

He hunah hian Senior Scientist and Head, KVK Kolasib Dr. Michelle C. Lallawmkimi chuan Project pe tute chungah lawmthu sawiin district farmer te tana tangkai tak project a nih tur thu a sawi lang a, kum 2022 a hlawhtling taka he project an lo kalpui tawh thu report a pe a. Technical session hun hman niin, KVK Scientist ten farmer te hnenah zirtirna an pe a ni. 

Vawiin training hi Kolasib District huamchunga farmer khaw hrang hrang panga atanga sawm bik te tan a buatsaih a ni a. KVK Kolasib-in Department of Biotechnology, Government of India sponsored Project an neih “Biotech-Krishi Innovation Science Application Network Project" a tanga he training hi huaihawt a ni.