Indian Physicist Ropui Sir CV Raman an kum 1928  February ni 28 a Raman Effect a hmuhchhuah puala zahna chibai buk nana lawm/hman thin National Science Day chu “Science for the people and the People for Science” tih thupui hmangin vawiin khan Government Kolasib College ah lawm/hman a ni.

He hun hi Pi Padmini Thapa, Associate Professor, Govt.Kolasib College chuan kaihruaiin, Pu T.Zahmingliana, CoOrdinator, IQAC chuan Science in hringnuna hmasawnna chi hrang hrang a thlen nasat zia sawiin Science chuan kan nitin nun ah kawng hrang hrangin malsawmna a thlen a, Damdawi hmuhchhuah kawngah leh inenkawl na khawl te bakah kan nitin nunphung ti awl samin thil zirchian na kawngah pawh Science chu a sulsutu pawimawh berte zing ami a nih thu a sawi bawk. “CV Raman and National Science Day” tih thupui hmangin Pu L.P. Vanlalchaka, Asst. Professor chuan paper presentation a pe a, Dr.Bharat Rai Associate Proff chuan Science kaltlanga India Defence Technology a hmasawnna chi hrang hrang awm te sawi zauna hun hmangin Pu Lalrinchhana, Asst. Proff chuan “Computer Application in Day to Day life” tih thupui hmangin Zirlai naupang kalkhawm te hnenah chuan Science in hmasawnna a thlen dan te zirtirna hun a hmang bawk a ni.
He hun ah hian Govt. Kolasib College Principal, Dr.C Lalmuankima leh Vice Principal Pu Lalbiaktluanga Ngente te hnenah chawimawina thilpek hlan nghal a ni.

Sir CV Raman an Raman effect a hmuhchhuah hriatpui nan leh ngaihhlut a nih zia lantir nan kum 1930 khan Nobel Prize for Physics hlan a ni a, Asia khawmualpuia Science lama Nobel Prize dawng hmasa ber niin Kumin a National Science Day lawm hi tum 29 na a ni.