Vawiin khan Kolasib DC Conference Hall ah Kolasib DEO Dr.Arunt T, IAS hoin National Voters Day vawi 9 na hman a ni. He hunah hian National Voter’s Day Pledge chhiar hona neih niin Chief Election Commissioner thuchah ngaihthlak hona neih bawk a ni. Voter kaihhnawiha zawhfiah duh nei te tan Helpline Number 1950 tlangzarh a ni a, mahni District STD Code hmeh hmasaka hemi number hi hmeh chhunzawmin mahni duhzawng a zawhfiah theih a ni. Hemi bakah hian Rualbanlote tana Mobile Application siam PwD App leh Voters  Helpline App Google Playstore atanga download theih chu DEO hian a tlangzarh bawk a ni.

Hemi hnu hian Kolasib District College ah Voters Day hman chhunzawm niin he hunah hian A/C tina BLO thawhtha te hnenahcitation leh pawisa fai Rs. 3000 theuh  pek an ni a, electoral roll campaign neih nghal niin College zirlai kum 18 tling tawhte, tuna roll-a la awm lo te chu roll-ah lut tura sawm an ni a, application form pe in zirlai engemawzat chuan roll-ah luh an dil a ni.

Best BLO a thlan te chu

Tuirial  A/C- Rodingliana, Lungdai -I

Kolasib A/C- Lalhmingliana, Hmarveng -I

Serlui A/C- Vanlaltlana, Thingthelh