2489/2025-2026

Dated Kolasib the 18th September 2025: Vawiin khân Kolasib DC Office Chamber ah District level Narco coordination centre(NCORD) thutkhawmna neih a ni a. He hun hi Pu Robert C Lalhmangaiha, Kolasib DC leh NCORD Chairman nibawk chuan a kaihruai a. Pu David H Lalthangliana, Kolasib SP leh Kolasib District a NCORD members te an tel kim hle.

Thutkhawmna ah hian hian Kolasib DC chuan thu sawiin, ruihhlo dona kawng a NCORD hmalakna chuan hmuh theih in rah a chhuah a ni a ti a. Sawrkar ina ruihhlo a dona kawnga theihtawpa Sawrkar thachhangdawltu YMA leh Khawtlang leh Kohhran hruaitute fakin, thawhhona tha nei zel tûrin a sâwm nghal bawk a ni.

He hunah hian thurel hrang hrang neih a ni a . Chungte chu Kumin August ni 6 atanga vawiin ni thlenga a Police, excise leh YMA tena ruihhlo an man tawh Report ngaihthlak a sawiho te, Kolasib a naupang enkawlna home hrang hrang atanga an dinhmun Report ngaihthlak te, District chunga a ganja dan phalloh a chin ruk a awm em tih chungchang te, School leh college a awareness campaign neih chungchang te leh COTPA Act 2003 lekkawh dan chungchang te an ni a.

Heng thurel tur chhawpchhuah te hi members kalkhawmte hian uluk taka ngaihtuah in an rel hova . September ni 23 ah ruihhlo do chungchanga hmalak dan tur ruahmanna siam tûrin leh awareness ni pahfawm in SP office ah YMA leh Khawtlang leh Kohhran hruaitute telin hun hman nise tih chu tha an ti tlang a. Kolasib district chhunga dan phalloh a ruihhlo tawlh ruk chungchangah a hma thei ang bera thutkhawmna neih nise an ti bawk. Heng bakah hian tleirawl thang chho mêkten ruihhlo dona kawnga tha an thawh ve theih nân YMA chhang pawh a theih ang a tihnun a kalpui leh ni se ti a rel a ni.

Vawiina Police Report a a lan danin August ni 6 atanga vawiin ni thlengin ganja kg 10.115 man a ni a. Zu hi imfl leh beer man a awm lova, awareness campaign hi Vairengte PS, Phaisen leh Saiphai OP pathum ah te  neih niin mi 91 an kalkhawm a ni.