Vawiin khan Kolasib District chhunga AH & Vety Deptt. hnuaia NLUP Ist Phase-a bawng dawngtu, an bawng thi tate thlakna tur mi 39 hnenah Bawng chi tha sem leh a ni. Bawng tehi Thingdawl-a AH & Vety farm atangin sem a ni a. A dawngtu turte hian number pawtin an dawn turte hi a mal mala siam fel hnuah an kai haw hlawm a. Hmun hla deuha mite chu Deptt. hian motor –in an dah sak hlawm a ni.

Tun tuma NLUP bawng sem leh takte hi nikum September 30, 2012 hma lama bawng thi Deptt. a in report te an ni a. Heng bawngte hi an hmel a mawiin Deptt. hotute chuan bawng chi tha leh hrisel a ni tih an sawi. Vawiina bawng semna hi DVO Dr Saihlira leh SDVO Dr. Lalsawmliana leh thawktu dangten an ho a. Dawngtu zingah hian Phaisen leh Chawnpui tepawh an tel a ni.