Agriculture Deptt. hnuaia NWDPRA a thawktu hrang hrang te pualin training vawiin khan Kolasib Project Veng AMFU Hall-ah neih a ni a. Pu K.S. Thanga, Parliamentary Secretary, Agriculture in a hawng.
Hawnna thusawiin Pu K.S. Thanga chuan, Mizo te khawvel hriata kan inhlankai theihna turin hmasawnan kan neih a ngai a. Chumi hlawhchhuak tur chuan thawhrimna leh rinawmna kan neih a ngai a ni, a ti. Mizote hi kan inngaihsan aiin kan la sang lo hle a, kan vanneihna pawh Pathian vang chauh a ni, tiin, kan hnathawhna kawng hrang hranga kan rinawm chuan chu chu Pathian rinna dik tak a ni, Pu K.S. Thanga chuan a ti bawk. Thalaite kuthnathawh kawngah kan thanharh a hun tak zet a, kum upa ten hna an thawh theih loh hunah kan ramin tam a tawk mai ang a ti a. NLUP hmangin sorkarin kuthnathawktu mi harsa te eizawnna ngelnghet siamsak a tum mek a. Eizawnna (trade) thlan kawngah fimkhur takin ngaihtuah ang che u, tiin Pu K.S. Thanga chuan mipuite a chah bawk.
Pu C.Lalzarliana, Chief Executive Officer, SLNA & Joint Director, Agriculture in training hawnna hi a kaihruai a. Pu Lalrinliana DAO, Kolasib chuan report pe in National Watershed Development Projects (NWDPRA) hnuaiah Project 17 enkawl mek a nih thu a sawi a. Kut hnathawktu te tan waiting shed te sa-in Project pawn lamah Self Help Group te siamin, Ar vulh, Puanthui leh thildangah te hma lak mek a ni a ti a. Committee te dinin PIA te nen Joint account fel taka vawn a ni, a ti.
Pu Bhattacherjee Director, Agriculture (CH) pawhin thusawiin loneitute chu rinawmna leh thawhrimna tel lo chuan a hlawhtlin theih tak tak lova. Subsidy-a khawl pek chhuah pawh pek chhan ang tak a hmang tangkai turin loneitute chu a chah a ni.
Training hi naktuka neih chhunzawm tur a ni a. District chhung khaw hrang hrang atangin Project enkawltute an tel a ni.
Pu C.Lalzarliana, Chief Executive Officer, SLNA & Joint Director, Agriculture in training hawnna hi a kaihruai a. Pu Lalrinliana DAO, Kolasib chuan report pe in National Watershed Development Projects (NWDPRA) hnuaiah Project 17 enkawl mek a nih thu a sawi a. Kut hnathawktu te tan waiting shed te sa-in Project pawn lamah Self Help Group te siamin, Ar vulh, Puanthui leh thildangah te hma lak mek a ni a ti a. Committee te dinin PIA te nen Joint account fel taka vawn a ni, a ti.
Pu Bhattacherjee Director, Agriculture (CH) pawhin thusawiin loneitute chu rinawmna leh thawhrimna tel lo chuan a hlawhtlin theih tak tak lova. Subsidy-a khawl pek chhuah pawh pek chhan ang tak a hmang tangkai turin loneitute chu a chah a ni.
Training hi naktuka neih chhunzawm tur a ni a. District chhung khaw hrang hrang atangin Project enkawltute an tel a ni.
