Mizoram State Planning Board Vice Chairman Pu Lalkhama, IAS Rtd. chuan Mizoram dinhmun siamtha turin kan lo neih dan thlaka eizawnna ro tling (asset) kan siam a tul a ni, a ti.
He thu hi vawiin khan Kolasib-a D.C.Conference Hall-ah Department hrang hrang hotu kalkhawmte hmaah a sawi a. Mizoram ah leilunga eizawng chhungkaw nuaikhat chuang kan awm a. Tuna kan kalphungah chuan kumtinin ram hectare nuai hnih chuang hal chereu in lo a tan kan vat a. He kan hnathawh dan phung hi thlak danglama, scientific method hmanga ei kan zawn a hun takzet a ta a ni, Pu Lalkhama chuan a ti a. Chumi atan chuan sawrkar chuan New Land Use Policy a duang chhuak ta a. He policy hmang hian mahni tuina zawng leh mahni awmna sik leh sa milin eizawnna hlawk zawk ti turin bul kan tan thei dawn ta a ni, a ti a. He policy a taka hmanga, mipuite kawhhmuh a engkim enpui turin sawrkar Department tinte lo inkau rawh u, Pu Lalkhama chuan a ti a ni.
NLUP a taka hman a nih dawn tak avangin sawrkar Deptt. tinte chu mipuite duhsak taka kaihruaitu ni tura a duh thu Pu Lalkhama chuan a sawi a, tunah hi chuan loneitu in hlawkna tham engmah an thar lo a, kan thar chhuah a lo pun a, thiamna hmanga NLUP kan kalpui chuan Zoram in hmel thar a beisei thei dawn a ni, a ti. Dik leh fel taka Policy kalpui a nih theih nan Loneitu mipui mitinte bihchianna tur data Planning Board chuan a khawnkhawm dawn a ni, a ti a. Chhungkaw tin chhinchhiahna tur Household Registration Act pawh Assembly House a putluh tum a nih thu leh hei hi pass a nih chuan Mizoram rawn lut tharte hriat chhuah zung zungna leh dan lova luhrukna daltu a nih dawn thu te Vice Chairman chuan a sawi a. Ram leilung, tha leh sawrkar sum te tangkai leh awmze nei zawka hman sawrkar chuan a tum a ni, a ti a ni.
D.C. Pu Dawngliana chuan inkhawm hi kaihruaiin, NLUP chu tun Mizoram dinhmuna thil inhmeh leh phurawm tak a ni, a ti. Department officer ten ngaihdan leh rawtna te thlirin, trade thlan thuah a area a zira thlai thatduhna ram mila a hlawma thil chin (compact) tha an tih thute, sawrkarin scheme a kalpui mek sa beneficiary te chu NLUP beneficiary an nih pawhin scheme kallai nena inrema kaltir nise an ti bawk.
NLUP a taka hman a nih dawn tak avangin sawrkar Deptt. tinte chu mipuite duhsak taka kaihruaitu ni tura a duh thu Pu Lalkhama chuan a sawi a, tunah hi chuan loneitu in hlawkna tham engmah an thar lo a, kan thar chhuah a lo pun a, thiamna hmanga NLUP kan kalpui chuan Zoram in hmel thar a beisei thei dawn a ni, a ti. Dik leh fel taka Policy kalpui a nih theih nan Loneitu mipui mitinte bihchianna tur data Planning Board chuan a khawnkhawm dawn a ni, a ti a. Chhungkaw tin chhinchhiahna tur Household Registration Act pawh Assembly House a putluh tum a nih thu leh hei hi pass a nih chuan Mizoram rawn lut tharte hriat chhuah zung zungna leh dan lova luhrukna daltu a nih dawn thu te Vice Chairman chuan a sawi a. Ram leilung, tha leh sawrkar sum te tangkai leh awmze nei zawka hman sawrkar chuan a tum a ni, a ti a ni.
D.C. Pu Dawngliana chuan inkhawm hi kaihruaiin, NLUP chu tun Mizoram dinhmuna thil inhmeh leh phurawm tak a ni, a ti. Department officer ten ngaihdan leh rawtna te thlirin, trade thlan thuah a area a zira thlai thatduhna ram mila a hlawma thil chin (compact) tha an tih thute, sawrkarin scheme a kalpui mek sa beneficiary te chu NLUP beneficiary an nih pawhin scheme kallai nena inrema kaltir nise an ti bawk.
