Vawiin Zing dar 10:00 atang khan Prime Minister’s Employment Generation Programme (PMEGP) hnuaia District Level Task Force Committee chu Kolasib DC, Pu Jitender Yadav-a hovin a Pisaah an thukhawm a. Kum 2014 – 15 chhunga hman turin KVIC, DIC leh MKVIB hnuaiah cheng nuai 133.28 chu Kolasib District-in a dawng a; PMEGP diltu zinga mi 299 chu personal interview nei tura koh an ni. DIC hnuaiah hian mi 20, KVIC hnuaiah mi 48 leh MKVIB hnuaiah mi 44 te thlanchhuah tur an ni a; interview-ah hian tehfung hrang hrang hmangin diltute hi thlitfim an ni dawn a ni. Kolasib DC office-ah hian 20.8.2014 atanga ni 22.8.2014 thleng interview hi neih a ni thin ang.