Khawpuia mirethei te chenna slum-like-area tih bona tura duan Rajiv Awas Yojana (RAY) zirchianna leh inhrilhhriatna chu vawiin khan LAD Conference Hall, Mamit-ah Pu K. Zorammuana, SO/DLAO Mamit kaihhruaina a neih niin Mamit District Bawrhsap Pu K. Lalthawmmawia chu khuallian niin he hun hi a hmanpui.

RAY-in a tum ber chu mirethei veng tih bo, reilote a slum area ni mai thei tur venna kawnga chak taka hmalakna neih te, chenna in neilo te tana awmna sak sakte a ni a. Khawpui fai leh thianghlima, a mi chengte hriselna kawngah leh khawpuia hmasawnna awmzel theih nana duan chhuah a ni. Mizoramah pawh tunah hian pilot Project in slum pocket pakhat " Zuangtui" ah hmalak mek a ni a, chenna in 74 sak saka inhmun pawh anmahni hminga dah vek a nih bakah Hall te, Livelihood Centre te, Health Sub- Centre etc te pawh pek an ni ang. RAY Project hi Aizawl leh Lunglei khawpuiah thawh tan mek niin, Lungleiah pilot project kalpui tawh a ni.

Mamit khawchhungah RAY project hi kalpui ve tum a ni a, hemi a tan hian survey neih a ni anga Vawiin RAY chungchang inzirtirna a kohkhawmte Local Council/ Village Council, YMA, MHIP etc te leh thuthar thehdarhtu te theihtawp chhuahpui tura ngen an ni.

Vawiin ah hian mithiam bik ten RAY chungchang leh a hlawhtlin nana tan ho a pawimawhzia te zirtirna an neih bakah sawihona hun tha tak neih a ni.