2541/2023-2024
2023 Khuangchawi thla ni 30: Mizoram Legislative Assembly Inthlanpui 2023 lo awm tur atana Kolasib District chhunga assembly bial pathum zinga pahnih - 4-Tuirial leh 5-Kolasib biala inthlan buaipui tura ruat, Presiding Officer (PRO), 1st Polling Officer (PO), 2nd Polling Officer leh 3rd Polling Officer te tana training thawh hnihna chu vawiin khan Government Kolasib College-ah buatsaih a ni.
He training-ah hian State/District/Assembly Level Master Trainer paruk - Pu Lalremruata Sailo, SDO (Civil) Vairengte; Pi F. Lalnisai, BDO Thingdawl; Pu Henry Malsawmtluanga, BDO Bilkhawthlir; Pu Gilbert Lalhlimpuia, SDC Kolasib; Dr Lalramdintluanga, SDC Kolasib leh Pu Samuel Lalrinawma, Lecturer, DIET Kolasib te'n training hi an pe a. Chawhnu lamah EVM hman dan a taka zir hona buatsaih a ni bawk a. Training zawhah polling official-te hian postal ballot-in vote an thlak nghal bawk.
Vawiin training hi Tuirial bial leh Kolasib biala duty turte tana buatsaih niin, naktuk khian Serlui biala duty turte tan training thawh hnihna hi buatsaih chhunzawm a ni ang a. Postal ballot-in vote an thlak ve nghal bawk ang.
Kolasib District chhunga assembly bial pathuma polling station 89 awmah inthlan buaipui turin PRO 1 leh PO 3 ṭheuh ruat an ni a. Thlaveng atan reserve mi eng emaw zat ruat tel an ni bawk a. Election Commission of India-in ruahmanna a siam angin duty dan tur thliar felna (randomisation) ṭum hnih buatsaih tawh niin, team khata awm ho (inkawp) turte leh an kalna tur constituency chu an inhre tawh a. An kalna tur polling station erawh chu 3rd randomisation neih hnuah a hriat dawn chauh a ni.
Attachment
- Loading attachment...
